Unha marea de barcos de vela herculinos toman Malpica

Esta fin de semana a vela invadirá Malpica. Ten lugar a XXVIII Regata Illas Sisargas Memorial Pucho Bermúdez de Castro, que serve tamén de IV Memorial José Luís Arcay. A regata pernoctará na vila malpicá pois os barcos participantes sairán da Coruña o sábado 4 de xullo ás 14:00h, atracarán en Malpica arredor das 18:00h, e pasarán a noite para volver á Coruña na mañá do domingo, arredor das 12:00h.

As chegadas e as saídas serán ben fermosas, bendo unha marea de barcos de vela pola costa malpicá, pero en terra tamén haberá cousas interesantes. Á súa chegada, na tarde do sábado, darase a benvida e unha entrega de trofeos, e ademais haberá unha sardiñada no peirao (fronte ás casetas novas).

Travesía nado

Mentres, seguimos esperando con ansia a VI Travesía a nado das Illas Sisargas. Xa co cupo de inscrición cheo dende a primeira semana, esperamos ao mes de agosto para ver esa marexada de nadadores partirán da Sisarga Grande para percorrer os 4,2km que a separan da praia de Malpica.

Novas relacionadas

• Non todo é nadar.
• 150 nadadores preparan xa a Travesía Illas Sisargas.
• Míchel e Manu Dosil, hai vida no deporde despois do Fútbol da Costa.
• Dous pontecesáns na proba de aventura máis esixente do mundo.
• Unha trasna, a única española en completar o Ultratrail de Alaska.
• O Ultratrail Camiño dos Faros xa ten data para 2015.
• 7 heroes completan o Ultratrail Camiño dos Faros.
• Recunchos da Costa: As Illas Sisargas.

Fonte

• Redacción de QPC (info@quepasanacosta.gal).