Xuvenil Norte: As cousas seguen como estaban

Xuvenil Norte: As cousas seguen como estaban A 14ª xornada da Liga Xuvenil Norte non foi demasiado interesante. Co Corme descansando e un Dumbría B que adiantou o seu encontro ante o Cabana á semana pasada, a táboa queda como estaba na zona alta. Iso si, o Zas vencía en Coristanco con bastantes apuros, o Muxía aproveitábase dun Malpica pouco conxuntado, o Camariñas vencía ao Ponteceso e o Bergantiños B vencía o Baio nun encontro de defensas. Así, de toda a xornada, quedamos coa homenaxe que os rapaces do Ponteceso lle rendiron ao seu compañeiro Fede, lesionado de gravidade a semana pasada nun adestramento.

Camariñas - Ponteceso (2-0)

• Camariñas: Álvaro, David, Cris, Yon, Mariño, Isma, Martín, Diango, Juan Carlos, Tajes, Yuyo.
• Ponteceso: Anxo, César, Guille (Lorezo, min.75), Baneira, Fabián (Mendieta, min.80), Cotelo, Puente (Diego, min.80), Jonhi (Brian, min.70), Jorge, Alberto, Kevin (Borja, min.55).
• Goles: 1-0, min.30: Yuyo; 2-0, min.70: Ismael.
• Expulsión: os locais Yon e  Juan Carlos na primeira meta.

Presentábase o Camariñas con 11 xustos e acabaron con 9 polas expulsións. Xogou moi ben o Camariñas, sobre todo defensivamente xa que con 9 tivo que botarse atrás toda a segunda metade. A segunda metade foi un auténtico monólogo pontecesán. O cadro de Marco foise arriba pero o balón non quería entrar e o porteiro Álvaro fíxose internacional. E cando o empate estaba máis cerca, nun par de contras colleu en panos menores á defensa visitante e Ismael sentenciaba. O clube pontecesán quixo render unha homenaxe ao xogador Fede, lesionado de gravidade nun adestramento a semana pasada. O pontecesán ten polo menos a tibia rota. Os xogadores vestiron estas camisolas para saudar ao lesionado.

Coristanco - Zas (0-1)

• Coristanco: Rubén (Gabriel, min.46), Juan, Martínez, Pichel, Fabián, Pita (Dani, min.55), Sergio, Pazos, Alejandro (Golpe, min.65), Gonzalo, Pose (Pallas, min.75).
• Zas: Iván, Amado (Baña), Adri (Francés, Oli, Iago, Ramón (Capote), Rony, Jorge (Quintáns), Pastor (Kevin), Isma, Victor.
• Gol: 0-1, min.20: Víctor de volea dende o medio campo.

Foi este mellor partido do ano do equipo de Lorenzo pero quedou sen premio. Tivo sorte o Zas que chegou na primeira parte en varias ocasións e aproveitou un auténtico golazo dende o medio campo de volea de Víctor. Xa na primeira inquedaran para os locais Pose, Pazos e Gonzalo, que tivo tempo para enviar ao poste un balón na primeira e outro ao longueiro na segunda. Alejandro puido empatar no segundo tempo e tamén puido sentenciar o Zas nunha contra xa contra o final pero Rubén parou o man a man.

Malpica - Muxía (1-4)

• Malpica: Pablo; Quintas, Jorge, Pepis, (Fenosa, min.46), Javier, Eme, min.Maradona, Lexi, (Juny, min.46), Camilo, Joro, (Guille, min.46), Eloy.
• Muxía: Cristian; Fran, Antonio, Martín, Fabián, Fran Sambade, Carlos, Pereira, Felipe, Julián, Pesqui.
• Goles: 0-1, min.4: Carlos aproveita unha indecisión da defensa e bate de tiro cruzado. 1-1, min.13: Jorge, resolve unha liorta na área muxián, despois de varios tiros e rexeites. 1-2: min.30: Fabián, tras varis rexeites á saída dun córner; 1-3, min.72: Fran Sambade aproveita un rexeite nunha contra levada por Carlos; 1-4, min.80: Pesqui aproveita un erro de Eme.

Non mermaron as baixas (foron 11 xustos) o potencial do cadro muxián, que aproveitou o frouxo encontro do equipo malpicán. Un equipo malpicán moi deslabazado e no que cada xogador facía a guerra pola súa conta. O Muxía de Estanislao xa se adiantaba nos primeiros compases. Tralo empate de Jorge, Fabián puña de novo por diante aos visitantes, resultado co que se chegaba ao descanso. No segundo tempo só houbo un equipo sobre o céspede e Fran Sambade e Pesqui aproveitaron os regalos da defensa malpicá para sentenciar.

Bergantiños B - Baio (1-0)

• Bergantiños B: Bugui Gabri Suárez, min.89), Balay, Adiv Álvarez, Martín Negreira, Javi Varela, Jose Manuel, Pablo Fuentes (Javi Castro, min.46), Antonio (Miguel Vázquez, min.60), Eliseo, Javi Martínez (Estiven, min.70), Adrián Rama (Sergio Cebei, min.68).
• Baio: Álvaro, Eric (Edgar, min.73), José Manuel (Lucas, min.66), Micael, David Fariña, Rafa, Iván, Manu, Valentín, Fachal, Martín (Marcos, min.77).
• Goles: 1-0, min.38: Javi Martínez.
• Expulsión: Eliseo no min.75.

Encontro moi igualado o disputadonas Eiroas entre dous rivais moi semellantes. O Baio acodía con numerosas baixas, e o Bergantiños fiel ao estilo que impón Gueli, mantense comu un dos equipos menos goleados da categoría. O equipo local aguantou dende atrás e saía á contra con rapidez. O Baio intentouno en varias ocasións pero a defensa e a boa actuación de Bugui impediron o empate.

Cabana - Dumbría B (0-3)

Encontro adiantado que foi disputado a semana pasada.

Crónicas da Liga Xuvenil Norte

• Xornada 13: O Zas descólgase e a liga é cousa de dous.
• Xornada 12: Corme e Dumbría B quédanse sós.
• Xornada 11: Só o Corme aproveita o descanso do Dumbría B.
• Xornada 10: O Dumbría B dá un paso adiante.
• Xornada 9: O Dumbría B segue implacable e o Corme mantén as distancias.
• Xornada 8: Os 3 de arriba non frean.
• Xornada 7: A Liga norte será cousa de 3.
• Xornada 6: O Corme volve á loita.
• Xornada 5: O Corme non pode seguir o ritmo de Dumbría B e Zas.
• Xornada 4: Os 3 de arriba non descansan.
• Xornada 3: Zas e Dumbría B non fallan mentres o Corme descansa.
• Xornada 2: Trío en cabeza.
• Xornada 1: Moito respeto e un Corme desbocado.

Crónicas da Liga Xuvenil Sur

• Xornada 9: O Soneira baixa unha marcha.

Máis información

• Resultados e clasificacións 2010/2011.

Novas relacionadas

• 3ª Autonómica: Aprétase a zona alta.
• 2ª Autonómica: Grupo de 3 na cabeza.
• 1ª Autonómica: O Cee vai en serio.
• Preferente: Nin o barro frea ao Soneira.
• Resultados da ponte da Inmaculada.
• O San Lorenzo quita a roupa.
• Parte de sancións xigante.
• A Liga de Fútbol Sala de Cee xa en QPC.
• As Ligas Escolares de Fútbol Base xa en QPC.

Fonte

• Redacción de Deportes de QPC (deportes@quepasanacosta.gal).
• Colabora o Blog do Malpica de Luís Porto.