Aprétase a zona alta

15:43 06/12/10

A derrota do líder en Nantón apreta as cousas na parte alta da clasificación de Terceira, con esta vitoria o Nantón volve a compartir liderado co Mazaricos. O Cerqueda goleou ao filial muradán e presiona para subirse ao máis alto. Outro que se pode poñer en plena loita é o Muxía, nun dos mellores partidos da tempada desfíxose sen problemas do Corcubión que perde a invatibilidade, os muxiáns de gañar o mércores o partido atrasado co Coristanco colócanse a tres puntos dos puntos de ascenso. Outro que se esta a sumar a loita é o Cabana, ben sen facer moito ruido, pero a boa xeira das últimas semanas colócano a tres puntos do Cerqueda, terceiro clasificado.

Muros B - Cerqueda (3-6)

MUROS B: Angel, Berni (Gerai, min.66), Usco, Maikel, Echeba, Pardelo (Gabri, min.70), Jesús, Pesco, Seluco e Ivi (Xandre, min.70)
CERQUEDA: Fredi, Nión, Alberto, Javi, Rober, Lorenzo, Santi, Dani Añón (Garrido, min.82), Carlos, Alex (David, min.79) e Dieguito (Gabi, min.68)
Goles: 0-1, min.28: Alex; 1-1, min.36: Ivi; 1-2, min.42: Alex; 1-3, min.45: Dani Añón, de falta; 2-3, min.55: Seluco; 2-4, min.66: Alex; 2-5, min.75: Carlos; 2-6, min.79: Alex; 3-6, min.84: Seluco.
Expulsión: O local Maikel (min.40) por dobre cartón amarelo.

Vitoria importantísima para o Cerqueda que sube a segunda posición da liga e vese beneficiado polos resultados da xornada para manterse de cheo na loita polo ascenso. O partido foi máis igualado do que indica o marcador. Na primeira metade os visitantes tiveron o vento a favor pero non o aproveitaron ata os últimos minutos, dous goles xusto antes do descanso que foron bastante estratéxicos. Tralo descanso os locais saíron a por todo, conseguiron reducir distancias, pero a contra os de Malpica foron letais cando máis estaban empurrando os muradáns.

Nantón - Mazaricos (1-0)

NANTÓN: Martín, David, Cristian, Diego, Sito, Carlos Vidal (Martín, min.75), Fabio, Amado (Diego Costa, min.74), Luís, Manolo (Pedro, min.80) e Rubén (Manuel, min.83).
MAZARICOS: Juan, Ramón, Oscar, Marcos, Tuco, Martín (Coxo, min.65), Matías (Ernesto, min.50), Brian, Estefano (Rodrigo, min.65), José Angel (Esteban Pereiro, min.60) e Kevin.
Gol: 1-0, min.25: Luís.
Expulsión: O adestrador visitante Raúl Periscal con cartón vermello directo por protestar.

O partido da xornada saldouse cunha vitoria local que apreta aínda máis as cousas na parte alta da clasificación. Agora o Nantón iguala co Mazaricos no máis alto da clasificación. O partido estivo moi igualado ao longo dos 90 minutos e decidiuse nunha xogada de infortunio para os do Pino do Val. Un balón en longo ao chega antes o porteiro Juan, pero o despexe deste rexeita en Luís e o balón cólase no fondo das maias.

Cabana - Alcaián (2-1)

CABANA: Dani, Rubén, Dani, Alfredo, Eloi, Xandre, Josiño, Adrián (Jacobo, min.55), Mingui (Dani, min.65), Javi e Adán (Carlos Xuvenil, min.75).
ALCAIÁN: Herrera, Iván Castro, Dani, Víctor, Diego, Bruno, Pistolas, Pablo Framil, Iván Souto e Javito.
Goles: 1-0, min.45: Josiño; 2-0, min.53: Josiño; 2-1, min.85: Iván Castro.

Partido con moi pouco ritmo e poucas ocasións de gol. O maior acerto rematador dos locais foi o que marcou a diferenza nun partido de empate.

Ind. de Carballo - Laxe (2-1)

INDEPENDIENTE: Upi (Noé, min.35), Toni, Efrén (Manuel, min.65), Dani, David Castro (Suso, min.60), Rubén, Cholo, Brian, Ivi, David (Panuchi) e Landeira (Iván Lorenzo, min.50)
LAXE: Jacobo, Jaja, Jacinto, Antonio, Dani, Lolo, Felipe, Mandi, Antonio Castro (Adán, min.60), Rubén (Anxo, min.70), Samuel.
Goles: 0-1, min.30: Lolo, de penalti; 1-1, min.60: Iván Lorenzo; 2-1, min.80: Brian.
Expulsión: O adestrador local Roberto (min.85).

Traballada vitoria do Independiente, nun partido que moi disputado non que controlou máis o balón, pero no que lle custou moito marcar. Adiantáronse os de Laxe de penalti que foi moi protestado polos locais. Na segunda metade Iván Lorenzo marcaría un gol pantasma que o colexiado deu validez. Xa na recta final do choque Brian aproveitou un rexeite dentro da área para darlle os tres puntos aos carballeses que se sitúan na parte media alta da táboa no ano do seu debut.

Lira - Coristanco (1-1)

LIRA: Brea, Pelexo, Marco Antonio, Paco, Pedro, Pepiño (Suso Patachin, min.46), Toni, Dani, Javi (Chumi, min.46), Rico e Ancho (Víctor, min.70)
CORISTANCO: Rubén, Dani (Cota, min.75), Oscar, Luís, Marcos, Mallón (Germán, min.60), Fran Fariña (Arantón, min.80), Carlos, Benitez (Pistolas, min.90), Gustavo (Palermo, min.70) e Toniño.
Goles: 0-1, min.25: Mallón; 1-1, min.38: Rico.

Non puido gañar o Lira no debut no banco de Abelardo que substitúe a Marco Antonio que segue como xogador. Tralo visto durante os 90 minutos o empate é un resultado xusto. A primeira metade o Coristanco estivo mellor, mentres que na segunda os locais colleron as rendas do encontro.

Xaviña - Corcoesto (3-2)

XAVIÑA: Pion, Chiribí, Gallego, Sergio, Javi, Carlitos, Carlos, Chapu (Eugenio, min.46), Yago, Dani e Elvis (Búa, min.70)
CORCOESTO: Luís, Manuel, Edelmiro, Rubén, Germán (Couto, min.75), Roi, Aitor, Javi (Pichón, min.65), Martín (Toñito, min.75), Lista (Juan, min.60) e Rodri.
Goles: 1-0, min.7: Dani; 2-0, min.15: Carlos; 2-1, min.35: Lista; 2-2, min.80: Rodri; 3-2, min.95: Yago, de penalti.

Un penalti moi por mans dentro da área foi moi protestado polos visitantes e mesmo os locais recoñecen que foi moi rigoroso deulle os tres puntos ao Xaviña que suma cinco partidos sen perder na casa, catro vitorias e un empate que dá moita confianza ao xoven equipo adestrado por Yago. Xogaron os xaviñáns unha moi boa primeira media de hora de encontro, logo baixaron a intensidade e os visitantes conseguiron empatar o encontro cun centro-chut de Lista e un cabezazo de Rodri tras unha falta. No desconto os locais lograron a vitoria ao transformar o míster Yago a pena máxima.

Outes - Atl. Pereiriña (3-2)

OUTES: Moncho, Saúl, Primo, Debé, Chúa, Arturo, Poque (Lass, min.79), Potro (Quin, min.73), Deivi, Fabio (Pesco, min.46) e Marico (Mingos, min.73)
ATL. PEREIRIÑA: Andrés, Simón, Riqui, Javichu, Jordi, Alex, Adán, Juan (Alvaro Fiuza, min.46), Morcillo, Víctor e Villar (Grille, min.80)
Goles: 1-0, min.28: Deivi; 1-1, min.47: Javichu; 2-1, min.58: Deivi; 2-2, min.61: Riqui, de penalti; 3-2, min.92: Deivi.

Moita igualdade entre Outes e Pereiriña que se levaron os locais en tempo de desconto. Na primeira metade o Outes tivo máis posesión do balón e as mellores ocasións. Logo do descanso os visitantes apretaron máis, conseguiron igualar por dúas veces o marcador, pero nos últimos instantes non puideron defender o empate. A figura do encontro foi o local Deivi que firmou un hattrick. Os visitantes marcharon oi descontentos da arbitraxe, pois nun partido que non houbo demasiada dureza acabaron con numerosas tarxetas amarelas.

Muxía - Corcubión (3-0)

MUXÍA: Angel Luís, Dani, Chori, Currás, Josiño, Jose Antonio, Papi (Pereira, min.80), Chans (Fran Gemelo, min.81), Canario (Dimas Leivinha, min.67), Gerardo e Fran Pioto (Albertiño, min.57)
CORCUBIÓN: Cristian (Abelleira, min.60), Carlos, Cihisco, Sergio Manín, Balucho (Javi, min,.80), Jose, Estrella (Edu, min.80), Gabriel (Lema, min.80), Diego Lojo, Manuel Cartamil, Mario (Riki, min.75).
Goles: 1-0, min.37: Chans; 2-0, min.48: Gerardo; 3-0, min.72: Albertiño.

Moito temporal no campo da Arliña ao que se adaptou moito mellor o equipo local que xogou un dos mellores partidos da tempada Os de Corcubión contaban con bastantes baixas e pouco fronte lle fixeron aos da Vila da Barca. Con esta derrota os de Corcubión deixan de ser o único equipo invicto, mentres que o Muxía segue sen perder na casa. O Muxía xogará este mércores o partido pendente que ten co Coristanco que de gañalo ponse de cheo na loita polo ascenso.

Corcubión – Coristanco (2-1) (2ª Parte do encontro aprazado da xornada 11)

Corcubión: Balumada, Carlitos, Chisco, Manín, Balucho, Estrella, Edu, Gabi (Iago, min.88), Jose, Pistón, Mario.
Goles: 1-0, min.46: Manuel Cartamil; 1-1, min.55; 2-1, min.86: Mario de cabeza.

No min 46, nada máis comezar, os locais, mediante Manuel Cartamil nun rexetite dun córner, adiantábanse no marcador. No 55 o dianteiro visitante recibe un balón dentro do área, e despois dun gran control define perfectamente diante do porteiro, que lle foi imposible facer calquera cousa. Quedaba o Coristanco con dez xogadores logo de que a un xogador lle ensinara o segundo cartón amarelo. Xa contra o final, no min.86 Mario remata de cabeza un gran centro de Carlitos dende a banda dereita.