Greenalia rematará antes de final de ano tres parques eólicos en Dumbría e Vimianzo

Ademais dos Parques Eólicos do Cerqueiral, e o “megaparque” eólico de Bustelo, Campelo e Toural, a empresa Greenalia avanza na tramitación de outros tres parques eólicos na comarca. A empresa zasegura que intenterá rematar neste 2020 os de Alto da Croa (7,3 MW), Alto da Croa II, en Dumbría (10,4MW), e Monte Tourado (10,4 MW), en Vimianzo.
De feito, as 9 pás de 68 metros que formarán os 3 aereoxeneradores do parque vimiancés xa están no porto de Ferrol, e pronto viaxarán por estrada ata soneira.

Os tres parques forman parte da primeira fase do proxecto Eolo, que unha vez finalizado contará con 74,2 MW en funcionamento en 5 parques eólicos (4 na provincia da Coruña e un en Lugo), chegando a crear, segundo a empresa, 1.000 postos de traballo.

Os tres parques foron aprobados xa en 2011 pero paralizados e outorgados á empresa Greenalia, que xa foi denunciada polo Concello de Vimianzo polo seu proceder, e que segundo ADEGA conta con “información privilexiada” por parte da Xunta unha vez que a ex conselleira Bea Mato é directiva.

Os tres parques evacuarán a súa enerxía na ”tea de araña” que se formará arredor da estación de Regoelle (Dumbria).

Novas relacionadas dos Parques Eólicos de Corme

• O Cerqueiral, outra ameaza eólica para os montes de Cabana, Coristanco e Santa Comba.
• A veciñanza presenta alegacións ao Parque Eólico das Salgueiras.
• 31-03-2020: Desmontando o parque eólico de Corme en pleno estado de alarma.
• Novembro 19: "Levamos 19 anos sen saber que un viravento invadira as nosas fincas de Corme”.
• O Concello de Santa Comba loita contra a ubicación dos parques eólicos de Castriz.
• Colectivos de 6 concellos da Costa da Morte forman parte da Rede Galega por un Rural Vivo.
• Novembro 19: Santa Comba vestiuse de negro contra o “megaparque” eólico de Bustelo, Campelo e Toural.
• Abril 19: A desfeita das obras do parque eólico de Mouriños na Serra de Gontón, en imaxes.
• Febreiro 18: Regoelle, a tea de araña dos eólicos da Costa da Morte.
• Xullo 2018: O Concello de Vimianzo lamenta o proceder de Greenalia arredor do parque eólico.