Bailando e compoñendo en galego e ca Bocaberta

11:29 18/01/11

Esta pasada fin de semana o programa Bocaberta achegaba ata a fin do mundo unha proposta moi especial. Moito máis especial probablemente do que a Costa se poida imaxinar, i é que os responsables de impartir o obradoiro e o concerto acústico forman a vangarda da "música ghallegha daghora". Carlos Valcárcel, da rompedora banda Projecto Mourente, e a banda popeira The Homens fixeron que os máis pequechos da vila do Cristo bailasen, en galego. E iso que á mesma hora había fútbol, o que provocou que moitos nenos tiveran que velos partidos cos seus pais... Así no lo conta Sole Méndez, veciña fisterrá que non perde a ocasión de aprender. "A verdade é que quedei ca bocaberta", cóntanos Sole sobre o obradoiro que impartíu Valcárcel, no que ensinaba aos pequechos (e aos non tanto) a facer música dende o seu ordenador. "É impresionante o que as novas tecnoloxías poñen o noso alcance", afirma Sole. Profesor de francés, Valcárcel parecía mestre de música de toda a vida. 100 minutos de intensa clase, pero os pequechos non perderon unha palabra do "breve pero gratificante percorrido pola maioria dos instrumentos (percusión, vento, corda) que ten o aparatiño este". Acabaron compoñendo algún dos alumnos e ata un par de nenos fixeron unha melodía moi "chula". O que máis lles prestou aos cativos foi a percusión, porque podían tocar o "aquel" todos a vez... Iso si, malia que as dúas bandas son a vangarda pop do país, o destes cativos é "o rock con tintes de heavy metal, un pouquiño de rap e flipan coas mezclas de house, tecno e demais", explica Sole, i é que tamén fixeron os seus pinitos como Djs. Ao remate do obradoiro, calzaron as botas os The Homens. O "flamante e noviño de paquete" salón de actos non tiña espacio para bailar polo que só os máis atrevidos (como algún Insua pequecho con gañas de marcha) notaron unhas pezas.