Sábado. 08.08.2020
El tiempo

Un positivo en Covid en Fisterra reaviva varios "bulos" na zona

Fontes da área sanitaria A Coruña-Cee confirman que non existe ningún brote de coronavirus na Costa da Morte.
Hospital Público Virxe da Xunqueira.
Hospital Público Virxe da Xunqueira.
Un positivo en Covid en Fisterra reaviva varios "bulos" na zona

Un novo positivo na zona fixo proliferar novamente os bulos aos que estamos acostumados. Fontes do Concello de Fisterra confirman que se trata dun só caso positivo nunha familia catalana que veu a pasar as vacacións ao pobo, xa que teñen familiares na zona.

Unha persoa da unidade familiar, por motivos persoais, tivo que facer unha viaxe a Cataluña e, ao volver, fixéronlle a proba porque tivo contacto con outro familiar que dera positivo posteriormente á visita. Este dou tamén positivo sendo asintomático, polo que quedou illado na súa casa á espera de realizar a corentena de 15 días.

Ao resto da familia tamén se lle realizou a proba, mais estes deron todos negativo. De todos xeitos, tamén están a gardar corentena noutra casa diferente ao que dou positivo.

Ademais, fontes do Sergas da área sanitaria A Coruña-Cee desminten que haxa ningún tipo de brote de Coronavirus na Costa da Morte.

comentarios