Emotivo o xantar que se celebrou este pasado domingo no Restaurante Canta La Rana de Buño. 35 anos despois, unha marea de compañeiros e xogadores do FC Nosa Terra de Berna, ademais das familias, reuniuse para lembrar toda aquela historia.

Xentes retornadas pero tamén xentes aínda residentes no país helvético, como José Ramón de Baio, uníronse a esta cita inesquecible, onde puido abrazar a tantos amigos.

Foi o activo Modesto Parga o que facía de presidente fundador daquel equipo aló polo 1978 e un dos mobilizadores desta xuntanza. Parga, que estaba escoltado por Salvador Vieites entre outros, fundara tamén a Liga do Emigrante en Suiza, na que participaran varios equipos de diferentes Cantones de Suiza, antes que pasaren á Federacion Suiza de Fútbol.

Un paso semellante ao que aconteceu aquí no fútbol costeiro co Fútbol Veteranos da Costa, xa que Parga tamén foi fundador e organizador durante antes ata o proceso de inserir as ligas na Federación hai apenas 3-4 anos.