Mércores. 22.05.2019
El tiempo

Infantís: Dumbría, Cee e Xallas afrontan unha recta final de infarto

Se os Xuvenís van afiando a recta final, a Liga Infantil tamén se enfronta aos seus últimos coletazos despois da completa xornada de Semana Santa.

Infantís: Dumbría, Cee e Xallas afrontan unha recta final de infarto

Unha xornada que pon ao Dumbría algo máis preto do título, tralo tropezo do Cee ante Os Miúdos, ante os que sufrían a terceira derrota da temporada. O dumbrieses golearon á Esteirana e a tres xornadadas do final, suman 3 puntos máis que o Cee e 6 que o Xallas, que tamén perdía a ocasión de avanzar un posto ao non pasar do empate ante o Cabana.

Pero a situación vén movida neste sprint, porque esta fin de semana hai un Dumbría-Cee vital (con 3-1 na ida para os ceenses, polo que de gañar se colocarían líderes), e na penúltima xornada outro Xallas-Dumbría (2-0 para os dumbrieses na ida) que será chave.

Dumbria Infantil

Huelvis segue moi contento por como vai a temporada no seu Dumbría, non só polo resultado se non sobre todo polo traballo dos rapaces, que tiveron unha inmensa evolución, sobre todo a nivel defensivo, ao longo do curso, mantendo unha forma de xogar que ten riscos pero que considera importante nesta etapa formativa. O cadro dumbriés é un cadro pouco físico, con xogadores máis técnicos, que mellorou moito no aspecto defensivo.

Xallas infantil

Por Santa Comba, o coordinador do club e adestrador do equipo infantil, Iyan Baragaño, confirma que o seu equipo afronta estas últimas 3 xornadas apurando “as posibilidades de meternos na fase de ascenso a Liga Galega. Non facemos cábalas co resultado xa que temos 2 partidos moi complicados as próxima xornadas. Obviamente, estamos obrigados a gañar os 3 partidos que restan e mirar de reollo ao Cee-Dumbría desta semana, xa que si algún sae perdedor dese partido daranos oportunidade de alcanzar a 2ª praza. Foi unha liga moi apertada abrigo cos equipos da zona alta, que se vai decidindo en pequenos detalles”, valora. “Trataremos de sumar 9 de 9 e esperar ao resto de resultados, xa que o golaveraxe individual está empatado co Cee e aínda temos que xogar contra Dumbría”.

Iyan fai valoración dos puntos fortes do seu equipo, “a nosa columna vertebral (centrais e MC) teñen un rendemento altísimo así como o noso xogo por bandas. Todo co mérito engadido de contar só con 13 xogadores no primeiro equipo Infantil”.

O Cee de Rubén Martínez buscará resarcirse da inesperada derrota da pasada semana e buscará recuperar a senda que os levou a sumar 11 vitorias consecutivas.

Cee Infantil

A Fase de Ascenso é outro cantar, coinciden os adestradores, conscientes da dificultade de competir con outras zonas onde hai unha canteira máis numerosa.

Novas relacionadas

Comentarios