Cita imprescindible para os amantes da historia do fútbol costeiro. Kike Benlloch, home vinculado ao club dende sempre, está a organizar un Partido Solidario en favor de Cáritas, que xuntará a dúas ducias de míticos xogadores do cadro fisterrán.

A cita, que se desenvolverá este domngo 31 de marzo ás 18:00h en Ara Solis, enfrontará a un combinado de Ex xogadores do Fisterra contra o equipo de Veteranos do Dumbría.

Conta Benlloch a gran acollida que tivo a idea entre míticos xogadores como os do Cabo, Tolo, Lekumberri, Pesca ou Llanero, que serán algúns dos que volvan vestir de verde no campo.

O choque será arbitrado polo colexiado fisterrán Luís Insua.

Haberá unha entrada solidaria de 3 euros e venderanse rifas durante o choque para facer sorteos.