Sinatura do Acordo formativo entre RC Deportivo e CF Dumbría

Novo adiante do CF Dumbría como club. O equipo dumbriés asinou onte un acordo de colaboración en materia formativa (técnicos e xogadores) co RC Deportivo. Un xeito de seguir crecendo como club e seguir coidando a canteira, potenciando e ampliando miras para que os rapaces da zona teñan máis posibilidades de seguir ascendendo futbolisticamente.

Na presentación estiveron o presidente Dumbría César Ferrío, e o Coordinador de Base Óscar Leis, ademais dos responsables de captación do club herculino.

O acordo ten unha serie de beneficios para o club dumbriés:

• Promover unha sesión de adestramento por parte da coordinación do RC Deporgivo nas instalacións do Conco.
• Organización dun DeporCampus de verán para 2018 no Conco.
• Participación dos equipos do RC Deportivo nos distintos torneos que organice o Dumbría.
• Colaboración na formación de técnicos, asistencia ás instalacións da Cidade Deportiva de Abegondo (charlas formativa, asisntencia a adestramentos), visitas de técnicos do Dépor para comparitr formación técnica.
• Posibilidade de amistosos en pretemporada entre ambos clubs.
• Establecer unha coordinación para que os xogadores con maior proxección do club poidan asistir a sesións de adestramento que lles permitan achegarse o máximo posible á dinámica.
Asistencia a partidos do primeiroequipo do Depor en Abanca-Riazor.

 

Fonte

• Redacción de QPC ([email protected]).