Os adestradores (e amantes) do Fútbol da Costa Masculino e Feminino teñen dúas citas imprescindibles estes vindeiros luns 23 de febreiro e luns 2 de marzo. Zas e Fisterra acollen sendas Xornadas formativas non revaluables, organizadas polo Comité Galego de Adestradores e a Real Federación Galega de Fútbol en colaboración de Quepasanacosta e os concellos implicados.

No acto de presentación participaron Alberto Pose (QPC), Pablo Prieto (presidente da RFGF), Manuel García (presidente do Comité Galego de Adestradores), Manuel Corredoira (delegado da RFGF na Coruña e subdelegado da Costa), Cristina Regueira e Silvia Cancela (directivas da RFGF), Luís Insua (alcalde de Fisterra) e Lolo Muíño (alcalde de Zas). 

Alberto Pose agradeceu a implicación da RGFG, o Comité e os Concellos para darlle saía a estas Xornadas formuladas para todos eses adestradores da Costa cos que a familia de QPC fala semanalmente, para darlle ese protagonismo e esa visibilidade, e ese espazo para expresarse.
Falaron tamén o presidente da RFGF e o do Comité de Adestradores, agradecendo a potencialidade do traballo en rede para achegar novos coñecementos aos adestradores das comarcas; mentres que os rexedores agradeceron ser escollidos como puntos de encontro do Fútbol costeiro.

Xornadas Xestión de equipos de Fútbol Base en contornas rurais

Luns 23 de febreiro, 19:00 en no Salón de Actos do Concello de Zas. Xestión no fútbol base masculino

• Ponencia de Miguel Alonso (FSI Olympique de Marseille, Valencia CF, CD Mirandés, SD Huesca e CD Leganés)
• Conversa co Miguel Alonso e Óscar Gilsanz (ex adestrador do RCDeportivo) sobre Fútbol Base.
• Ponencia de José Manuel Vázquez “Huelvis” (adestrador do Dumbría CF Cadete e profesor da Escola Galega de Adestradores)
• Mesa Redonda sobre Xestión de equipos de Fútbol Base en contornas rurais:
  - Modera Óscar Leis (QPC, adestrador do CF Lira, ex coordinador do Dumbría CF e Muxía CF)
  - Marco Cantudo (coordinador Fútbol Base S.D. Sofán; 2º adestrador da Selección Galega; adestrador de base e 2º no sénior no SD Sofán; ex adestrador do SD San Lorenzo, CSD Arzúa)
  - Manuel Varela (Membro da Secretaría técnica e delegadodo primeiro equopo da SD Compostela; ex coordinador de Fútbol Base, adxunto na dirección deportiva, responsable de eventos e torneos no At. Arteixo e no SD Sofán)
  - Diego Lobelos (Actual entrenador do Baio, ex adestrador dos equipos sénior do CF Lira, Muxía CF, SD Fisterra; e na base das Escolas Deportivas Prodemar, do CF Dumbría DH Cadete, Bergantiños FC e Escolas Luis Calvo).
  - Carlos Romero (Secretario, adestrador e coordinador do Outes FC)

XORNADAS: A eclosión do FUTFEMDACOSTA

Luns 2 de marzo. 19:00 no Salón de Actos do Concello de Fisterra.

• Ponencia de Alberto Rodríguez (2º adestrador do Depor Abanca; SD Sofán)
• Ponencia de Fran Toba e Ana Mouzo (Fisober, un club pioneiro)
• Mesa Redonda sobre a eclosión do FUTFEM na Costa da Morte.
  - Modera Laura Rodríguez (Mareandoxogo e Diario de Bergantiños)
  - Fran Figueroa (actual adestrador da SD Esteirana, ex do CF DUmbría e un dos creadores da sección feminina do pioneiro ED Os Miúdos feminino).
  - Rubén Souto (adestrador do Corme CF)
  - Eloy García Feteira (adestrador do Xallas FC, e da Selección da Costa sub11 Campiona Galega)
  - Eva Carril (xogadora do SD Ponteceso e adestradora da base)

Máis novas