Mércores. 03.06.2020
El tiempo

Alumnado de Turismo da Universidade da Coruña aprende en Laxe bos exemplos de xestión pública

Alumnado de Turismo da Universidade da Coruña aprende en Laxe bos exemplos de xestión pública
Charla sobre turismo en Laxe

Algo estará facendo ben o Concello de Laxe en materia turística se ata un grupo de alumnos da Universidade da Coruña veñen a coñecer os seus proxectos.

O pasado venres,  alumnado do 4º curso da dobre titulación en Ciencias Empresariais e Turismo provinte do Centro Asociado á UdC, CENP, saíu da facultade para coñecer de primeira man o modelo de xestión turística integrado na administración municipal. E escolleron o Concello de Laxe, onde foron recibidos polo Concelleiro de Turismo, Xosé Manuel Pose, e os técnicos municipais do departamento, Joaquín Vidal e María Mato.

Maria Mato María Mato, o alumno-moderado Antón e Xosé Pose Lema

Unha visita que forma parte da materia “Xestión Pública do Turismo”, titorizada por Carlos Rodríguez, profesor e Secretario Académico do Centro Español de Nuevas Profesiones (CENP), e estivo precedida por unha visita anterior ó Concello de Sanxenxo. “O que se pretende é que o alumnado coñeza de primeira man cales son as funcións, capacidades, e responsabilidades do persoal técnico de turismo, e en que medida repercute o seu traballo no planeamento e execución das políticas turísticas. Laxe e Sanxenxo, cada un no seu contexto, son exemplos de xestión turística con marcado carácter profesional.”

O Concelleiro inaugurou o acto, e de seguido presentou tanto o organigrama como o modelo de xestión turística de Laxe, facendo fincapé na súa aposta decidida pola desestacionalización do sector.

A continuación, María Mato realizou unha exposición técnica sobre o modelo de xestión cíclico consistente na planificación, execución, control e mellora do territorio de actuación turística.

Na súa intervención, a técnica resaltou a importancia de apostar por modelos de xestión que aseguren tanto a protección do medio natural, coma o control e a recondución eficiente de fluxos turísticos que sobrecargan as estruturas territoriais. Tamén falou sobre os retos básicos da xestión turística, baseándose nos pilares da sostenibilidade (tanto económica, coma sociocultural e medioambiental) e da integración, referíndose neste último caso ós beneficios a medio e longo prazo da aplicación de políticas turísticas de amplo alcance xeográfico.

O alumnado realizou unha intensa rolda de preguntas, de carácter tanto político coma técnico. Estas deron paso a un debate no que se abordou abertamente o papel das mulleres no sector turístico, en expresa relación a representatividade feminina nos postos de xerencia e dirección, tanto do sector público coma privado.

Joaquín Vidal guiou o grupo con destreza nunha visita ó Museo do Mar. Seguidamente visitaron a Igrexa de Santa María da Atalaia, a Praia de Soesto, e o Espazo Natural de Traba.

https://quepasanacosta.gal/os-valores-unicos-de-laxe/ https://quepasanacosta.gal/guia-de-turismo-unha-profesion-regulada/  

comentarios