No marco do programa de desestacionalización do turismo reLAXEse - organizado pola concellería de Comercio, Hostalería e Turismo de Laxe - esta fin de semana terá lugar unha mesa redonda que leva por título "A mina de caolín de Laxe, un recurso turístico". Na cita, que é mañá ás 18:00 horas no museo do Mar, participarán o alcalde de Laxe, José Manuel Mouzo, e o concelleiro de Turismo, Xosé Manuel Pose ademais de Jorge Fernández Suárez, do Instituto Xeolóxico eMineiro de España; Juan Ramón Vidal Romaní, director do Instituto Universitario de Xeoloxía lsidro Parga Pondal; e Juan José López, director de Caolines de Vimianzo. Duranta a mesa redonda, proxectarase un documental sobre a mina de caolín de Laxe, gravado polo IGME fai uns anos. A actividade está aberta o tódolos públicos e a entrada é de balde. Por outra prate, o sábado ás 10.00 horas realizarase unha excursión en autobús ós vestixios da mina de caolín de Laxe e ó proceso produtivo de Caolines de Vimianzo. As persoas interesadas en asistir poden inscribirse ata mañá ás 12.00 na web municipal ou no teléfono 981 706 903. A actividade é gratuita.

Máis novas laxeiras

• Ciencia, industria, fotografía, gastronomía, xeoloxía para a primavera laxeira
• “Con X de Peixe”, o novo escudo de Laxe.
• Laxe tamén aposta polo turismo industrial recuperando a historia dos seus Kaolines.
• Laxe impulsa o Plan de Conservación dos Penedos de Traba e Pasarela.
• O jazz volve a Laxe.
• A Cámara Mineira, Caolines Vimianzo e o Concello de Laxe apostan por recuperar o legado mineiro e xeolóxico.
• 2018, o ano da recuperación do Arquivo Fotográfico Vidal.

Fonte

• Redacción de QPC (info@quepasanacosta.com).
• Concello de Laxe