Fin de semana viva no Mercado de Abastos de Malpica e no Casino 1889 de Carballo. Os mercadillos de arte e artesanía foron protagonistas, dando conta da gran variedade e calidde que temos na nosa comarca na materia.

O ambiente, a música, as actividades e os postos do Casino carballés foron de primeira. Non tanto a asistencia.

Pola súa parte, en Malpica remataron a finde satisfeitas Mercado Artesán de Nadal. As actividades axudaron a dinamizar o Mercado de Abastos e atraer á veciñanza. Triunfaron as Meigallo Pandereteiras, houbo boa acollida ao obradoiro de instrumentos musicais con Percusións Lobera, ou ao taller coas redeiras O Fieital, e que dicir da chocolatada e a visita do Apalpador Cía Pajarito. Tamén a visita dos Viqueiras e Cabezudos ou o concerto de Cé Orquestra Pantasma foron moi concorridas.