Xoves. 28.03.2024
El tiempo

Feísmos: Conclusións a ritmo de pasodobre

Feísmos: Conclusións a ritmo de pasodobre
Punto e aparte do proxecto socio-arquitectónico do baiés criado en Carballo Alejandro Gándara, a laxense criada en Baio Antía Ameixeiras, e o coruñés David Fontán. Feísmos? chegou as súas primeiras conclusións tras 6 meses de andaina. Este proxecto audiovisual pretende reflexionar sobre o coidado do patrimonio urbanístico en Galicia repasando conceptos sobre o territorio ou a estética. Este proxecto utiliza a vila de Malpica, ademais dos barrios de Ardemil e Agra do Orzán, como exemplos. Veñen de conformar un vídeo final (ollo que o vídeo do youtube ten unha continuación por cada pregunta, polo que tes que chegar ao final de cada vídeo para picar no seguinte) no que tratan de respostar a 6 preguntas a ritmo de pasodobre:
  • Quen decide o que é feo e o que non?
  • É o feísmo un fenómeno tipicamente galego?
  • Ten que ver o feísmo coa emigración?
  • Feísmo ou arquitectura popular?
  • Feísmo ou falta de planificación urbanística?
  • Máis alá do estético, que consecuencias ten?
Ademais de numerosos veciños, o sociólogo Manuel García Docampo e o profesor de Arquitectura da UDC Plácido Lizancos, intentan dar a súa opinión a estas preguntas, e dan pinceladas máis que interesantes. Os especialistas non consideran os que galegos sexamos especialmente “trapalleiros”, senón que entenden que “temos o mesmo gusto que no resto do mundo, o que fan falta son recursos”. Precisamente consideran o feito de termos centos de casas a medias “un tema de crise”. “Ir construíndo pouco a pouco a medida da posibilidade familiar, vivenda sen débeda, con materiais reciclables, 100% autosustentable, iso é feísmo? Non, é enxeñería popular”, valoran tamén positivamente, ao tempo que lembran a “cultura da reciclaxe” da sociedade rural galega. Pero a realidade é que “estamos destruíndo un patrimonio arquitectónico singular que está caendo mentres construímos un novo ao lado. Falamos da morte da enxebre arquitectura rural e transformación da paisaxe. Non é que aparecese o feísmo nos últimos 60 anos, é que pasamos de ser unha sociedade labrega a outra cousa”. Pero tamén teñen palabras para as administracións. “Unha cousa é feísmo e outra é falta de norma. Ás veces chámaselle feísmo ás ineficiencias da política urbanística, moitas veces ilegalidades. A falta de normativa é estritamente política. Estamos diante dunha nula xestión do monte e dunha falta de política de gobernación forestal, só temos unha explotación madereira sen xeito”. Especifican cousas importantes sobre como afecta o Feísmo na calidade de vida. “En Malpica non dá o sol en inverno, hai humidades, os temporais arrasan o paseo, non hai ascensores, non hai onde aparcar… falta de calidade de vida. Malpica é unha vila cunha calidade urbanística absolutamente precaria”, conclúen.

Máis información

Novas do proxecto Feísmos

Máis novas

   

Entrevistas da canteira costeira en As Bondades da Fala

Fonte

Comentarios