Xoves. 24.06.2021
El tiempo

Malpica lanza un programa un verán cultural na rúa

Serans na Rua en Malpica no veran 2020
Malpica lanza un programa un verán cultural na rúa

Este verán toca modificar o plan festexeiro e cultural do verán. O Concello de Malpica, a través da concellaría de Cultura cambia verbena polos ‘Seráns na Rúa’, en diferentes ubicacións, pero sempre ao aire libre.

Despois da proxección do filme ‘María Solinha’ a comezos deste mesmo mes, virán unha marea de actividades. A primeira, este vindeiro sábado, 18 de xullo con ‘A gran viaxe’ de Iventi Teatro na rúa Eduardo Vila Fano.

O 25 de xullo, o Día de Galicia, haberá un pasarrúas con ‘A danza dos paxaros’ a cargo de Urdime, e agosto comezará no seu primeiro día coa obra de Ghazafelhos ‘A illa sen tesouro’, na rúa Eduardo Vila Fano.
O 8 de agosto, darase cita na praza do Campo O Cardume, de Xarope Tulú e o 15 de agosto, Mamá Cabra executará o ‘Eu cociño, ti cociñas?’ na rúa Eduardo Vila Fano. O penúltimo espectáculo correrá a cargo de Magín Blanco o 22 de agosto con ‘Magín Blanco e a banda das apertas’ e pechará este ‘Seráns na Rúa’ o 29 de agosto co pasarrúas de Fantoches Baj, ‘O folión do Zampón’.

As actuacións serán todas ás 20:30 horas e en caso de choiva serán trasladadas ao Mercado Municipal ou ao Centro Cívico, segundo o formato de actuación.

comentarios