Este verán parece que a Mostra da Olería de Buño poderá voltar, como quería, ao Centro Comarcal de Bergantiños. Pechado dende hai dous anos por falta de fondos, o Concello de Malpica vén de asumir a titularidade do edificio e o goberno municipal prepara un proxecto para dotalo de contido, tentando que volva ser o epicentro cultural que foi dende 1997 ata a extinción da entidade pública Sociedade para o Desenvolvemento Comarcal de Galicia, o 1 de xaneiro do 2012.