Os oleir@s despiden a Mostra paralela cunha manifestación
07 de agosto de 2023 (09:34 h.)
Cunha concentración protesta rematou a Mostra de Olaría sen oleir@s organizada polo Concello de Malpica. Os oleir@s da vila, acompañados dunhas 300 persoas, saíron á rúa coas camisolas “Pola Defensa da Olería de Buño” que xa percorren o país para pedir respecto á súa profesión.
Unha Mostra que se desenvolveu sen demasiada afluencia, con exposicións de pezas e algunha demostración pero sen o impacto doutras datas.
A Asociación de Olería de Buño (teñen o nome rexistrado por iso o Concello tivo que chamarlle Mostra de Olaría) continúa solicitando a saída do edil Alfredo Cañizo da área, mentres que dende o Concello aseguran que fixeron todo o posible por manter as pontes tendidas.
NOVAS RELACIONADAS
- 30-07-2023: Os oleir@s de Buño amosan a súa unidade.
- 23-07-2023: Adiante a Mostra da Olaría sen oleir@s.
- 18-07-2023: A Asociación de Olería de Buño rompe tamén coa súa concelleira:
- 08-07-2023: A Asociación Oleira de Buño prántase e non fará a Mostra ata que Cañizo deixe a área: