Xoves. 05.08.2021
El tiempo

Un verán de obradoiros no Ecomuseo Forno do Forte de Buño

Oleria de Buno OBRADOIROS VERÁN xuño 21
Un verán de obradoiros no Ecomuseo Forno do Forte de Buño

O Ecomuseo Forno do Forte acollerá durante as tardes deste verán obradoiros de barro abertos para todas as persoas que se queiran achegar ás instalacións en Buño.

As actividades formativas comezarán o día 1 de xullo e estenderanse ata o 31 de agosto. As clases estarán limitadas a un máximo de 15 persoas á vez. Impartiranse de martes a sábado de 16:30 a 18:30 horas.

O taller está organizado conxuntamente pola concellería de Olería de Malpica e a Deputación da Coruña, ademais do propio Ecomuseo Forno do Forte. Segundo explicaron dende o goberno local, trátase dunha actividade coa que “dinamizar o tránsito de persoas polo recinto e seguir aproximando a olería e o traballo co barro á sociedade”.

O Concello de Malpica ten habilitado o teléfono 981 71 15 20 para máis información. Atenderanse chamadas de luns a venres en horario de 9:00 a 14:00 horas.

comentarios