Ana Pontón e a comitiva do BNG achegouse ao heliporto pantasma de Lires

Volveu o BNG a sacar a luz a tráxica e real historia, erro tras erro, do inoperante heliporto de Salvamento da Costa da Morte. Unha historia chea de desfeitas que remata cun final infeliz, e unha costa pouco protexida ante as catástrofes.

Xa van 3 anos e medio dende que a Base de Salvamento Marítimo de Rubio (Lires, Cee) está pechada. Ata as súas portas achegouse onte unha comitiva comarcal do BNG, coa voceira nacional Ana Pontón á cabeza, para reclamar a necesidade de ter na bisbarra un servizo de Salvamento rápido. Unha reclamación que chega aínda cos ecos do 15 aniversario do Prestige, tralos que poucas cousas cambiaron en materia de seguridade marítima.

Pontón fixo fincapé nos cerca de 2 millóns de euros malgastados nun heliporto e nunha nave que están inoperativas e coas instalacións pechadas, ao que se suman os 13 millóns de euros de adquisición dun helicóptero, agora con base en Santiago. “Habería que preguntarse se José Blanco e Ana Pastor, -ambos ex responsables do Ministerio de Fomento co PSOE e co PP-, non deberían pagar este despropósito dos seus petos”, alegou a dirixente do Bloque.

Esta proposta para ubicar unha base de salvamento mariño na Costa da Morte será trasladada ao Parlamento.

Base contra a contaminación mariña en Brens

Ademais, o Bloque tamén demanda unha base de loita contra a contaminación mariña, aínda que neste caso a ubicación idónea sería o porto de Brens.
“O que non ten sentido é que os medios de loita contra a contaminación mariña estean almacenados nunha nave no Concello de Fene, teñen que estar na Costa da Morte para facilitar unha resposta rápida ante calquera incidencia”, indicou Pontón, “e por suposto con persoal activo as 24 horas do día en ambos casos, tanto na base de salvamento como na de loita contra a contaminación”.

Día da dignidade

Así mesmo, o BNG segue pedindo que o 1 de decembro se estableza como Día da dignidade de Galiza., en memoria daquela mobilización a golpe de #NuncaMáis que protagonizou a sociedade galega hai 15 anos.

Artigos relacionados

• A tráxica e real historia, erro tras erro, do inoperante heliporto de Salvamento da Costa da Morte.

Novas relacionadas

• Xuño 17: Os socialistas denuncian a posta en perigo do servizo de Salvamento Marítimo.
• Xuño 16: Fisterra solicita acondicionar espazos para o helicóptero de Salvamento.
• Setembro 17: Era Ruibo o lugar idóneo para o Heliporto de Salvamento?.
• 18-02-15: Un simpático enterro polo finado Heliporto de Lires.
• 18-11-14: A Xunta recoñece a mala ubicación do heliporto de Lires despois de 2 millóns de euros de investimento.
• 28-10-14: Medio centenar de persoas concéntranse na base do heliporto de Rubio.
• 24-10-14: Unha campaña para recuperar o Helicóptero de Salvamento da Costa da Morte.
• 06-10-14: Un novo naufraxio en Muxía lembra a necesidade do helicóptero de Lires.
• 19-05-14: O BNG reitera as súas críticas polo abandono da Base de Salvamento de Lires.
• 16-05-14: O helicóptero non volverá á base de Lires.
• 28-03-14: Vai pechar definitivamente a base do helicóptero de Lires?.
• 06-03-14: Preocupación pola paralización do heliporto de Lires.
• 18-11-13: Por unha base loxística de Salvamento propia no porto refuxio de Brens.
• 23-09-11: En marcha o heliporto de Lires ante as fotos dos políticos.
• 31-03-2010: Fomento recupera a base de Salvamento de Lires que rechazou a Xunta .
• 31-05-09: A Costa queda sen o seu helicóptero de Salvamento.
• 07-03-08: A Costa terá unha nova base de Salvamento Marítimo.
• 09-10-07: Fisterra pode albergar unha base de helicópteros.

Outras novas

• Sardiñeiro. Un porto sen barcos.
• Que foi do Plan de Usos do porto de Brens?.
• Exercicio de Salvamento do helicóptero de Lires.

Fonte

• Redacción de QPC (info@quepasanacosta.gal).