Colector principal e bombeo na praza da Solaina do Pindo Cuadro da bomba da praza sin conectar a Rede do Pindo

Parece que o asunto do saneamento do Pindo dá un paso adiante. Despois de moistos meses de retrasos (ía estar solventado en setembro do ano pasado…), a empresa fixo entrega á Xunta das obras do novo colector de saneamento que une o Ézaro coa depuradora de Panchés. Un colector que servirá para, entre outras cousas, solucionar os problemas de cheiros e verteduras no mesmo centro da praia do Pindo.

A semana pasada a Xunta, unha vez que recepcionaba as obras realizadas pola empresa Caricles, enviaba unha notificación ao Concello pedindo que as recibise. O Concello de Carnota, antes de recepcionalas quere comprobar que todo está correctamente, que non hai deficiencias e quere saber que é o que falta. Para iso pediulle á empresa Espina un informe completo, que está a redactar e que debería estar a piques de entregar. “Se Augas di que a obra está ben, eu entendo que non vai haber problemas, pero queremos que Espina faga unha memoria para ver que potencia temos que contratar, e canto nos vai custar a conexión, tanto dos colectores vellos, como dos colectores dos “barrios””, explica Moncho Noceda, alcalde carnotán. “A conexión vai ser un investimento importante pero se podemos conectalos mañá non esperaremos á semana que vén”, sinala, deixando claro que mesmo xa falou co alcalde de Dumbría, José Manuel Pequeño, para desenvolver conxuntamente a conexión do lugar do Ézaro.

A idea do Concello é conectalo antes da campaña forte do verán.

Novas relacionadas

• Maio 18: O BNG acusa á Xunta de “sectarismo” na paralización do proxecto de saneamento do Pindo.
• 04-05-18: O BNG lembra no Parlamento os 10 anos de retraso das obras de saneamento que afectan ao Pindo
• 24-04-18: A Xunta elude responsabilidades no eterno retraso do colector de saneamento de Carnota.
• Abril 18: O BNG tamén leva ao Parlamento o retraso do saneamento no Pindo.
• 05-14-18: Os vertidos enrarecen o clima social do Pindo.
• 24-03-18: O PSdG achegouse ao Pindo para comprobar os problemas do saneamento.
• Marzo 18: A Xunta segue retrasando, mes a mes, a entrega da obra de saneamento do Pindo.
• Decembro 17: O Pindo sae á rúa esixindo unha solución ao saneamento.
• Novembro 19: O Pindo segue pendente do saneamento e da reconstrución dun mallado paseo marítimo.
• Outubro 17: Unha analítica demostra a necesidade de solucionar o saneamento do Pindo.
• Setembro 17: Co cú ao aire fronte a falta de saneamento no Pindo.
• Setembro 17: O Pindo mobilízase contra os cheiros.

Outras novas

• “As toallitas que se tiran polo váter é un dos grandes problemas das depuradoras”.
• Os actores involucrados debatiron sobre o saneamento e contaminación orgánica do mar ante unha gran expectación.

Fonte

• Redacción de QPC ([email protected]).