Unha multa, a sentenza defintiva pola catástrofe del Prestige

Costa da Morte mar

10:52 21/12/18

Imaxes dos tempos do Prestige

16 anos despois chegou a Sentenza do Prestige. Onte, o Tribunal Supremo dictaba a sentenza definitiva (despois das ≤a href=https://quepasanacosta.gal/mais-de-1-600-millons-de-indemnizacion-para-o-estado-polo-afundimento-do-prestige/>emitidas pola Audiencia Provincial da Coruña en 2017 e polo propio TS en 2016) sobre a responsabilidade civil derivada da catástrofe do Prestige, que fixa indemnizacións por importe superior aos 1.500 millóns de euros a repartir entre o Estado español --como principal prexudicado--, o francés, a Xunta de Galicia e outros 269 afectados pola vertedura, entre particulares, empresas, mancomunidades, concellos e sociedades.

Unha sentenza que deixa nunha multa unha das catástrofes ambientais máis importantes de España, e que deixa o Corredor de Fisterra nunha situación moi semellante á de hai 3 lustros, cos seus 40.000 barcos anuais e sen ningunha seguridade.

Asi o considera o PSdG, que lembra que Galicia "segue a ser hoxe un corredor atlántico de buques" e remarca que, de repetirse a catástrofe, "a situación seguiría exactamente igual”.

Pola súa parte, a voceira nacional do BNG Ana Pontón, asegura que esta sentenza “significa unha nova burla a todos os galegos e galegas que vimos cales eran as graves consecuencias da catástrofe”. “É frustrante ver unha xustiza máis interesada en defender aos poderes do Estado e económicos que non facer xustiza”, lamentou.

Cartos que nunca serán cobrados

A organización ecoloxista Arco Iris destaca que a sentenza do Tribunal Supremo sobre o Prestige "emenda en parte" o fallo ditado no seu momento pola Audiencia Provincial da Coruña. Con todo, pon en dúbida que "poida chegar a cumprirse”.
”Os máis de 1.500 millóns nos que o Tribunal Supremo taxa os danos ocasionados non chegarán nunca a ser cobrados polas partes demandantes, xa que a aseguradora do barco (London P&I Club) négase sistematicamente a asumir a súa responsabilidade”.