Este mediodía de mércors 28 de agosto tivo lugar un novo accidente ás 13:50 horas, á altura do punto quilométrico 3,5 da estrada AC-441, á altura de Antes, Mazaricos.

A incidencia foi ocasionada por unha colisión entre dous vehículos, ambos circulantes pola marxe dereita da estrada. Por mor do accidente a circulación viuse interrompida polo emprazamento dos vehículos. Un total de catro persoas resultaron feridas, aparentemente de levidade.

O labor dos bombeiros de Santa Comba consistiu na desconexión das baterías e no mantemento das condicións de seguridade. Xunto con eles completaron o operativo a Garda Civil de Tráfico Corcubión, dúas ambulancias do 061 de Negreira e de Mazaricos e voluntarios de Protección Civil Mazaricos.