Esta pasada noite de domingo, arredor das 22:25, rexistrábase un novo accidente tráfico na AC-404, á altura da rotonda de Pino do Val, no concello de Mazaricos.

A incidencia tivo lugar na rotonda de Pino do Val e foi orixinada pola colisión ente dous vehículos, provocando que un deles envorcase. As persoas involucradas resultaron feridas, aparentemente de carácter leve, e foron trasladadas ao Complexo Hospitalario Universitario de Santiago.

Os Bombeiros de Santa Comba tiveron que repoñer os vehículos e na posterior limpeza da vía. No operativo tamén tomaron parte Garda Civil Santiago, a Garda Civil de Tráfico Santiago, o 061 Muros, o GES Noia e o SMPC Mazaricos.