Sábado. 22.06.2024
El tiempo

Mazaricos porase no panorama electrónico europeo co Fermaz Festival

Mazaricos porase no panorama electrónico europeo co Fermaz Festival
Fermaz Festival 2014 Festival Electronico Mazaricos

Nace con vocación de converterse no referente electrónico do Noroeste peninsular no verán de 2014. Aí é nada. o Fermaz Festival fará de Antes, Mazaricos, a capital electrónica de Galicia os vindeiros días 5 e 6 de setembro de 2014, con 40 horas de son ininterrumpido con sesións de música techno, house e progressive /transo.

Fermaz Festival colle o relevo do Beach Party Carnota na Axenda Sonora da Costa da Morte. Serán máis de 60 artistas os que subirán aos dous escenarios do festival, que intentarán asentar a Antes como unha das cinco citas claves do verán no Norte peninsular, sumándose ao póker conformado polos festivales de Monegros Dessert, Aquasella, Freelive e o Neopop luso.

Como nace Fermaz

Fermaz responde á fusión de Mazaricos e Fervenza, un inmenso embalse que durante os meses de verán permanece seco para acoller a famosa "Festa da Fervenza". As dimensións anticipan a celebración dun festival inédito en Galicia, con máis de 700.000 metros cadrados de recinto. O espazo supón unha vasta llanura no medio do irregular relevo da comunidade galega, asentándose a uns escasos 500 metros da próxima localidade de Antes e rodeado polo río Xallas, cuxa importancia dá nome á comarca na que se atopa Mazaricos.

A explanada estará dividida en tres zonas para o acomodo dos asistentes: a zona noite e o escenario principal, cunha superficie superior aos 10.000 metros cadrados; unha zona de día de similar tamaño para as sesións musicais diurnas, carpas, merenderos e postos de comida e bebida; e, un camping de 70 hectáreas con capacidade para tendas de campaña e vehículos.

Fermaz en cifras

Estes días precisamente a organización estaba concretando algunha bomba en forma de nome pero agora teremos que conformarnos cas cifras. Fermaz espera acoller a unhas 10.000 persoas durante a súa primeira edición en vista de a importante demanda de música electrónica xerada na zona durante os últimos anos.

O prezo das entradas para o festival será, durante os tres primeiros meses de 2014, de 35 euros máis 15 euros opcionales de camping por vehículo. A partir de marzo, a cantidade aumentará en 5 euros ata os 65 euros para os meses de agosto e setembro. As entradas supoñen un pack para todo o fin de semana, polo que serán indivisibles.

Máis información

Novas relacionadas

Fonte

Comentarios