Flow de Toxo son 4 bravas mulleres da comarca do Condado que levan dende 2018 ofrecendo un rap tremendamente potente e reivindicativo. Maridado con algo de música tradicional, teñen no mundo do agro e no feminismo as súas bases temáticas. Unha música audaz e directa que chega como unha voz de protesta dun rural con moito futuro.

Xa teñen roto o telón de grelos e no 2019 acadaron o Premio do Público no certame Youtubeiras polo videoclip do single que leva por título o nome do grupo.

O concerto terá lugar o sábado 28 de setembro dende as 21h na Casa de Cultura de Mazaricos, con entrada libre.