Esta mañá de luns 25 de novembro, arredor das 11:30h rexistrouse un novo accidente mortal nas nosas estradas. Foi por mor dunha colisión entre dous vehículos na AC-441, entre o km. 3 e 4, na entrada de San Cosme de Antes, Mazaricos.

O particular que avisaba ao 112 xa indicaba que unha persoa podería estar falecida, e efectivamente, así foi. Foi necesario excarcerar o corpo da persoa falecida, un home maior duns 80 anos natural da mesma parroquia, que segundo a Garda Civil, non levaba posto o cinto de seguridade.

No outro vehículo, unha pequena furgoneta, on houbo persoas feridas.

Participaron no operativo membros da Garda Civil, Urxencias Sanitarias 061, Bombeiros do Xallas, Ges de Noia.