O pleno extraordinario de Mazaricos aprobaba onte o proxecto para a nova sede local de Protección Civil en Mazaricos. O edificio, que se situará xunto ás instalacións actualmente existentes no polideportivo da Picota, será construído grazas a unha axuda nominativa da Deputación da Coruña. As obras terán un valor total de 120.000 euros, dos cales o Concello achegará 20.000.

O novo espazo de Protección Civil, unha vella reclamación da agrupación, terá 450 metros cadrados e estará conectada ás instalacións xa existentes.