Volven os tractores para casa, despois dunha impresionante demostración de unidade do sector. Despois de case 10 días de mobilizacións, os gandeiros de todo o país, incluídos os bulideiros de Mazaricos, volven ás súas granxas. A Plataforma pola defensa do Sector Lácteo acaba de anunciar que dan por finalizado o bloqueo ás industrias lácteas, unha acción que seguía a liña das mobilizacións en Santiago e Lugo, unha vez o Ministerio se comprometeu a incluír determinadas melloras no preacordo. “Vanse derogar os contratos existentes e a partir do 1 de outubro haberá un novo modelo de contrato que terá que ter en conta os índices da Interprofesional Láctea para determinar un prezo sostible” valoraron os responsables da Plataforma e a Organización de Productores de Leche (OPL), que confían en que os prezos van subir con seguridade. “Tamén se porá en marcha un decreto que establecerá sancións en caso de incumprimentos”. Continúan as negociacións ata o día 22, que parece a data definitiva para asinar o acordo con as industrias e as distribuidoras. Entenden os Gandeiros de Mazaricos que a union foi fundamental nesta loita. Asumen que non se conseguiu o tan ansiado prezo mínimo pero apuntan que “desaparecerán os contratos basura, revalorizarase o leite como produto de calidade, existirán medidas e sancións para as industrias e distribuidoras que non sigan as leis e, a partir do 1 de outubro, haberá un novo modelo de contrato que terá que ter en conta os índices da Interprofesional Láctea para determinar un prezo sostible…” Estas son as vitorias conseguidas, segundo uns gandeiros que avisan de que “resulta conveniente que cada explotación se poña en contacto coa súa industria láctea para informarse sobre o procedemento que utilizarán para poñer en marcha de novo a loxística de recollida”.

Novas relacionadas

• 15-09-15: Os tractores colapsan as rúas do polígono industrial de Sigüeiro.
• 14-09-15: Os Gandeiros manteñen as mobilizacións bloqueando a industria e a distribución e regalando leite
• 11-09-15: Os Gandeiros seguen na loita e deciden bloquear as industrias do país cos seus tractores.
• 10-09-15: 15.000 persoas saen á rúa polo sector lácteo mentres o Ministerio apraza o acordo.
• Que podemos facer como consumidores para axudar ao sector leiteiro?.
• 08-09-15: 4000 tractores colapsan Santiago.
• 07-09-15: #AVaquiñapoloquevale: Mazaricos lidera as mobilizacións por un prezo mínimo do leite.
• Máis de 5.000 tractores invadirán Santiago durante tres días.
• Os gandeiros saen a rúa en Santa Comba
• A Xunta critica as mobilizacións anunciadas polo sector lácteo
• “A asociación de gandeiros de Mazaricos nace pola necesidade de unión que ten este sector”
• Mazaricos crea a súa Asociación de Gandeiros
• 9 alcaldes da zona reúnense en Santa Comba para amosar o seu apoio unánime ó sector lácteo.
• Juan José Blanco: “O 90% de Mazaricos depende do sector gandeiro”.
• Ucha Velo: “Hai que ter claro que os veciños son sempre os teus xefes”.
• 06-07-15: 15.000 litros de leite ao chan contra o secuestro das industrias lácteas.
• 17-06-15: Os novos alcaldes de Mazaricos e Santa Comba moven ficha polo sector gandeiro.
• 28-04-15: 11 alcaldes da Costa da Morte asinan manifesto de apoio aos produtores de leite.
• Os gandeiros piden sancionar a quen venda leite por debaixo do prezo de mercado.

Fonte

• Redacción QPC ([email protected])
• Campogalego.com.