Bolato: “Recollimos probas, en fotografía e vídeo, das ilegalidades que se están a acometer na illa da Creba”
Fai balance a Plataforma pola recuperación da Illa da Creba da ocupación simbólica e pacífica da Illa da Creba esta pasada fin de semana. É o seu voceiro Rodrigo Molinos, “Bolato”, unha eterna voz do pobo esteirán, o que agradece a participación da veciñanza de Esteiro e pon en valor o acto reivindicativo. “Con esta ocupación simbólica conseguimos pór o foco sobre a inxustiza que se está a acometer na Creba e que hoxe moitas máis galegas e galegos coñezan o que aquí acontece. É un importante chanzo nesta loita de décadas para lograr que A Creba volte a ser pública para desfrute de todas as veciñas e veciños de Esteiro e do pobo galego en xeral. Seguimos na loita”, sinalou Bolato.
A reivindicación, ademais do BNG, conta co apoio explícito de Galiza Nova, como asegurou a súa Secretaria de Organización, Marta Gómez.
NOVAS RELACIONADAS
- 09-07-22: O pobo de Esteiro ocupa a Illa da Creba.
- Xuño 22: PP e PSOE frean a recuperación pública da Illa da Creba.
- Maio 22: Primeiras accións do BNG para recuperar a titularidade pública da Illa da Creba.
- “A Creba é do pobo”.