Luns. 04.03.2024
El tiempo

Ofertan cursos para convertir aos profesionais do mar en guías turísticos

Mariscadora cos aperos
Ofertan cursos para convertir aos profesionais do mar en guías turísticos

Seguen os fondos europeos empeñados en cambiar o modelo económico no que se leva sustentando boa parte do noso país nas últimas décadas, axudando a que as xentes do mar deixen a pesca e se dediquen ao turismo. 

Nesa liña nace o novo proxecto de Turismo Mariñeiro do GALP Costa Sostible (do que forman parte os concellos de Fisterra, Cee, Corcubión, Dumbría, Carnota, Muros, Outes, Noia e Porto do Son). Trátase dunha serie de cursos de formación especializados en Turismo Mariñeiro, para que os profesionais de marisqueo a pé, e os profesionais da pesca costera artesanal poidan mostrar aos nosos visitantes como é unha xornada do seu traballo e a súa forma de vida.

Os cursos para marisqueo a pé, desenvolveranse nas localidades de Noia e Muros, e os de pescaturismo atenderán a procedencia dos profesionais insctiros . Ademais da formación, o Galp oferta a posibilidade de que aqules interesados en
desenvolver a actividade, reciban tutorías especializadas e dirixidas ao entorno onde se desenvolve o seu traballo, outra novidade que se ofrece aos participantes será a posibilidade de exercer de turistas pudendo realizar unha experiencia de turismo mariñeiro xa en funacionamento.

As dúas modalidades formativas prsentaranse en dúas xornadas en dúas xornadas, que terán lugar o vindeiro 8 de febreiro no seguinte horario e lugares:

  • Ás 16:30 horas nas instalacións do GALP Costa Sostible en Noia.
  • Ás 19:00 horas na lonxa de Muros.

O número máximo de participantes na modalidade de marisqueo a pé é de 20 personas (repartidas en 4 cursos), e no caso de pescaturismo haberá 10 prazas (divididas en 2 cursos).

Poden inscribrise aos cursos de Turismo Mariñeiro a pé aquí, e nesta ligazón ao de Pescaturismo.

Para máis información, pódese contactar con GALP Costa Sostible no 981 822 754 ou en [email protected]

Comentarios