No CEIP de Vilarmide Eduardo Noya (Muxía) cando hai que traballar se traballa, pero cando hai festa... traballan as familias.
Este xoves, como os centros de todo o país, celebraban o Samaínm e a entrada do colexio apareceu decorada cunhas horripilantes cabazas que fixeron os nen@s coas súas familias na casa.

Por un día, os nenos foron os que provocaron medo nos profes en vez de ser ao revés. Desfilaron polo colexio: bruxas, homes lobo, personaxes de películas de terror, arañas, zombis, monstros, demos, esqueletos ... e moitos outros disfraces terroríficos. 

Houbo tamén concurso. A condición para participar no concurso era que os disfraces non podían ser comprados, nin ser feitos con plásticos, xa que en todas as actividades procuramos ter en conta o coidado do medio ambiente e a reciclaxe.

A votación foi moi reñida porque só había 3 premios e o xurado (as mestras) tivo que tomar unha difícil decisión porque todos eran aterradores. Ao final déronse 4 premios porque houbo un empate.

Os premiad@s foron Salma Rodríguez Filgueira, Olympia Quintáns Castro, Xiana Leira Ruíz e Mateo Bardanca Moreira.

Por votación do alumnado gañaron:
    -    Marta Barrientos Lires
    -    Manuel Rodríguez Pérez
    -    Lucas Paz Pazos

Accesit (non estaban previstos, pero a calidade dos traballos impúxose)
-    Lucía Senlle  Sánchez
-    Salma Rodríguez Filgueira

Todo o alumnado tivo un pequeno premio (lapis, goma e tarxetas de Samaín) pero o premio principal foi unha mañá de risas e diversión, e sen que se deran conta os alumno, tamén de aprendizaxe (a ANPA organizou un taller de robótica e outro de manualidades que lles encantou a rapazada)