Sandra Vilela defendeu o valor patrimonial e económico dos secadoiros de congro de Muxía

De visita ao Parlamento Europeo atópanse esta semana as voceiras do grupo municipal do Partido Popular no Concello de Muxía, Sandra Vilela, e de Camariñas, Paula Mouzo, que serve para para que todos os participantes coñeceran de primeira man a últimas novidades sobre fondos europeos para investimentos, sustentabilidade e melloras de eficiencia enerxética.

Vilela aproveitou a súa viaxe ao Parlamento Europeo para trasladar aos diferentes grupos políticos o problema que existe coa continuidade dos secadoiros de congro, arraigados durante moitos anos no municipio da Costa da Morte.

A viaxe serviu tamén para manter unha reunión cos eurodeputados, Adrián Vázquez e Francisco Millán Mon na que os asistentes trasladaron as súas inquietudes e reivindicacións en materias como a política agraria común ou as políticas relativas á pesca.

Neste sentido, a voceira municipal aproveitou para trasladar a súa inquietude pola situación que se deu hai uns anos sobre os secadoiros de congrios e o secado artesanal, e que vén sobrevinda pola normativas europeas.

“Os secadoiros forman parte do patrimonio de Muxía e non queremos, en ningún caso, perder a nosa identidade. Creo que temos a obriga de defendelo onde sexa”, apuntou Vilela, quen animou aos eurodeputados populares a visitar o seu municipio e coñecer de primeira man o congrio, os secadoiros e esta técnica que é única en Europa