O Club Arte e Movemento consegue que 10 alumn@s sexan declarad@s Deportistas de Alto Nivel
Volver cargadas de medallas de todo un Mundial tiña que acabar tendo o seu recoñecemento. E así o disfruta hoxe a familia do Club Arte e Movemento, que ve como o DOG recoñece 10 d@s seus competidor@s como Deportistas de Alto Nivel e de Alto Rendemento.
A fornada costeira (son deportistas de toda a zona), forman parte dos primeiros recoñecementos desta índole destinados ao baile deportivo da historia de Galicia. Estes títulos non viñeron sós, senón que son froito dos grandes resultados obtidos en Polonia en Outubro 2022, onde se celebrou o Mundial IDO de Bailes Caribeños. De alí, o club ceense trouxo 4 ouros e 4 pratas sendo ademais a primeira vez que soaba o himno de España neste Campionato.
Recoñecementos obtidos:
- Deportistas de Alto Nivel (o recoñecemento máis alto): Melani Lois Barcia (Santa Comba), Alberto Martínez Pose (Muxía).
- Deportistas de Alto Rendemento: Ainhoa González Baña (Santa Comba), Laura Marcote Domínguez (Cee).
- Deportistas de Alto Rendemento de base: Serena Díaz Toba (Cee), Alba Mourelle Costa (Baio, Zas), Ashley Sánchez Santamaría (Sardiñeiro, Fisterra), Sara Taboada Prieto (Cee), André Liaño Carvalho (Cee), Inés Liaño Carvalho (Cee).
Queda pendente Aalyah Louro (Cee), cuia solicitude quedou traspapelada e terá que esperar a que se resolva para formar parte do electo club.
A adestradora e alma do club, Graciela Toba, ademais presidenta da recentemente nada Federación Galega de Baile Deportivo, está encantada coa nova, e pon en valor os numerosos beneficios aos que poderán acceder os deportistas, como ter praza directa na Universidade, un plan de inserción laboral ou unha vida laboral compatible coa práctica deportiva.
Para Toba o mellor é a motivación extra que gaña a familia costeira, que xa pensa nos Campionato Galegos e de España para o mes de xuño, e sobre todo para o Campionato do Mundo de Macedonia que se celebrará en novembro.
