Só dúas vitorias colleitaron, e como case sempre a cargo das chicas que o deron todo na concentración do sábado e a piques que estiveron de dar a sorpresa derrotando a Cinania Femenino e caeron nun encontro moi axustado contra Monte Porreiro confiteria Capri, que como no anterior enfrentamento decidiuse no partido de dobres.

A nota negativa foi a derrota de AD Zas Dimoel Bazar Baio que ultimamente non levanta cabeza e o Concello Mazaricos que foi sorprendido polos e Ribadeo. A derrota de AD Zas Ponciano Nieto pódese considerar dentro da normalidade pois non contaba con dous dos titulares.

1ª Nacional Femenina

• AD Zas Aluminios Xeal - Monte Porreiro Confiteria Capri (3-4).
• AD Zas Aluminios Xeal - Ribadumia TM (6-0).
• AD Zas Aluminios Xeal - Cinania Femenino (2-4).
• AD Zas Aluminios Xeal - Monte Porreiro Promesas (4-2).

Moi bo tenis de mesa o que nos ofreceron as chicas durante todo o sábado no pavillón municipal de Zas pois aparte dos encontros disputados polo AD Zas Aluminios Xeal tamén houbo outros 8 disputados polos demais equipos participantes nesta concentración. A piques estivo o equipo local de acadar un pleno de vitorias pero non sairon todo o ben que se desexaba, así no primeiro encontro, que xa se sabia que era o mais importante da xornada pola loita dos primeiros postos, Ana García, que estivo xenial todo o día, non rematou o seu partido contra Inés Quintana, ía 2-0 a favor e cedeu 2-3, e logo nun excelente partido superou a Mar Rivas e Miriam Domínguez cedeu ante Mar Rivas pero non se deixou sorprender por Sara Rial. Moi ben Marái Castro cumprindo no seu partido contra Sara Rial e cedendo contra Inés. No encontro de dobres, xa nos teñen acostumados a sufrir, decidiuse no quinto set por un axustado 9-11 para as pontevedresas. Con esto AD Zas Aluminios Xeal quedará no 3º posto do grupo se gaña un dos dous encontros na ultima concentración.

2ª Nacional masculina

• AD Zas Ponciano Nieto - Vilagarcía TM (1-5).

Encontro con pouca historia, no que un xa descendido AD Zas Aluminios Xeal notou a falta de dous dos seus titulares e aproveitou para que outros xogadores se fogueen nesta categoría que polo visto aínda lle ven moi alta, pois os rivais están tamén en postos de descenso, salvou a horna Brais Blanco coa súa vitoria contra Gonzalo Recuna.

3ª Nacional masculina

• Concello Mazaricos - SD Ribadeo Carneros TTPRO (1-4).

Tiñan moitas esperanzas de gañar este encontros os do Concello de Mazaricos pero Miguel Rey non tivo o seu dia e cando normalmente gaña os tres partidos nos que participa, nesta ocasión perdeu os tres, salvou a honra José A. Lado gañando o seu partido a Javier de Burgos, Estaban avisados de que necesitaban unha vitoria para certificar a permanencia e esta tárdalles en chegar, esperamos que non lles atenacen os nervios. O calendario é mais doado para os demais equipos implicados. Os do Concello Mazaricos terán que poñerllas todas.

2ª División galega

• Hípica Coruña - AD Zas Dimobel Bazar Baio (4-1).

Non dan unha a dereitas nas últimas xornadas os de AD Zas Dimobel Bazar Baio e foi dende que viron que tiñan posibilidades de ascender cando empezaron a perder partidos e mais que eso perderon moito do seu xogo alegre, están como atenazados, candosepan por qué, e se liberen volverán a gañar. E, o do ascenso será para outro ano.  

Compromisos para este fin de semana

A 2ª División Nacional femenina terá unha concentración en A Baña durante todo o sábado con estes horarios:
11'00 AD Zas Cafetría Talladas - Narón Femenino
11'00 Concello Mazaricos - TDM Concello Vilalba
11'00 SD A Baña - San Xoan Deporte Galego
11'00 Oroso Sangiao - Club del Mar Femenino
12'30 AD Zas Cafetría Talladas - Club del Mar Femenino
12'30 Concello Mazaricos - Narón Femenino
12'30 SD A Baña - TDM Concello Vilalba
12'30 Oroso Sangiao - San Xoan Femenino
16'00 AD Zas Cafetría Talladas - San Xoan Deporte Galego
16'00 Concello Mazaricos - Club del Mar
16'00 SD A Baña -Narón Femenino
16'00 Oroso Sangiao - TDM Concello Vilalba
18'00 AD Zas Cafetría Talladas - TDM Concello Vilalba
18'00 Concello Mazaricos - San Xoan Deporte Galego
18'00 SD A Baña - Club del Mar
18'00 Oroso Sangiao - Narón Femenino

2ª División Nacional masculina:
17'00 Cafetería Vilariño - AD Zas Ponciano Nieto, en Cambados.

2ª División galega, en A Coruña:
17'00 h, Finisterre Deseñarte - AD Zas O Pinar.
19'00 h. Finisterre Sphera - AD Zas O Pinar.
17'00 h. VTM Pinturas Figueiras - RC A Estrada, en Vimianzo

3ª División Nacional.
Domingo 10 de marzo ás 11'00 h Concello Mazaricos - Dez Portas, en A Picota, Mazaricos.