O vindeiro sábado 10 de febreiro a AD Esteirana Remo organiza a XVII Bandeira Santiago Sur Galicia de Bateis.

Esta proba abre a Liga Galega de Bateis na Zona Norte (provincias de A Coruña e Lugo) e a ela están invitados a participar o Club do Mar de Mugardos, Club de Remo A Cabana-Ferrol, Club de Remo Ares, Club de Remo Cabo da Cruz, Club de Remo Cedeira, Club de Remo Celeiro, Club de Remo Mera, Club de Remo Muros, Club de Remo Narón, Club de Remo Puebla, Club de Remo Rianxo, Club de Regatas de Perillo, Club de Remo Urme, Club de Remo Náutico de Riveira, Club de Mar de Noia e, por suposto o club organizador, a Asociación Deportiva Esteirana Remo.

Concentraranse ese día no porto de Esteiro un total de ao arredor de cen embarcacións (bateis), o que supón ao arredor de 500 deportistas das categorías alevín, infantil, cadete, xuvenil, sub'23 e absoluta.

O club campión será o que máis puntos obteña sumando todas as categorías nas que participa e recibirá como premio, tanto en mulleres coma en homes, a XVII Bandeira SSG.