Mario Díaz López disputou o Campionato de España por Parellas de Pitch&Putt
13:01 16/07/19
Esta fin de semana o xogador de golf carballés Mario Díaz López disputou o Campionato de España por Parellas de PitchPutt co seu compañeiro Javier Ramos Casariego.
O formato de competición establecía tres roldas de xogo Stroke Play de 18 buraco cada unha delas, as dúas primeiras baixo a modalidade foursome e fourball o sábado e a terceira o domingo baixo a modalidade Copa Canadá. Logo dunha primeira proba no que fixeron un resultado discreto de 62 golpes, na segunda rolda asinaron a terceira mellor tarxeta da proba con 45 golpes (9 golpes por baixo do par do campo).
Ao final das 3 xornadas quedaron nun meritorio 17° posto das 60 parellas que participaron de toda España.
