A praia de Laxe, xunto coa do Ézaro, é unha das praias fetiche da Federación Galega de Salvamento e Socorrismo. Xa hai un par de semanas acollía un campionato estatal, e esta finde toca Campionato Galego en varias categorías. 

Estes venres 21 (de 10:00h. a 20:00) e sábado 22 (de 09:30 a 14:00) comeza co de categoría Xuvenil e Junior, coa presenza de 150 deportistas de 11 clubs de toda Galicia. Etre eles o Club Salvamento y Socorrismo Carballo – SYSCA –, con 28 deportistas; o Club Salvamento Acuático Laracha – SAL -  con 15 deportistas; e unha novidade, o Club Natación Santa Comba LB –, con 2 deportistas.

A tarde do sábado será para o Campionato Alevín, con 75 deportistas de 9 clubs de toda Galicia, entre eles tamén o Club Salvamento y Socorrismo Carballo – SYSCA – con 13 deportistas; o Club Salvamento Acuático Laracha – SAL -, con 16 deportistas; e o Club Natación Santa Comba LB – con 8 deportistas.

Xa para o domingo 23, de 9:30 a 20:00h, tócalle o turno aos Infantís e Cadetes, coa participación dun total de 181 deportistas de 11 clubs de toda Galicia, entre eles o Club Salvamento y Socorrismo Carballo – SYSCA – con 28 deportistas; o Club Salvamento Acuático Laracha – SAL - con 15 deportistas e o Club Natación Santa Comba LB – con 2 deportistas.