Luns. 06.12.2021
El tiempo

A xuventude do rural reúnese na lareira da Fundación Eduardo Pondal

A xuventude do rural reúnese na lareira da Fundación Eduardo Pondal

O vindeiro sábado 7 de xaneiro, de 11.00 a 13.30 h, a Fundación Eduardo Pondal organizará unha xornada titulada "Novos TEMPOS e Novos RETOS" para a xuventude do rural coa que se pretende poñer en valor as oportunidades das que pode gozar a mocidade fóra do ámbito urbano.

Na distintas sesións participarán José Luís Fondo Aguiar (presidente da Fundación Eduardo Pondal), Ovidio Rodeiro Tato (director xeral de Xuventude e Voluntariado da Xunta de Galicia), Susana Cousillas (concelleira de Xuventude do Concello de Ponteceso), Benito Pastoriza (xerente da empresa de ocio xuvenil Marexada) e Lucho Penabade (director da obra de teatro de rúa Noites do prácido luar).

A orde do día abrirase coas intervencións Ovidio Rodeiro, José Luís Fondo e Susana Cousillas. A seguir, proxectaranse varios vídeos nos que amosa o deenvolvemento de actividades organizadas para a xuventude no seo da Fundación Eduardo Pondal ou da Asociación Cultural Monte Branco. Entre estas actividades están as lecturas colectivas, a Escola de Verán, a participación da xuventude de Ponteceso na EMAX, o festival con V de Valarés e a Escola de Música e Danza Tradicional. A continuación, Lucho Penabade, director do grupo Os Quinquilláns, poñerá en valor a obra de teatro de rúa Noites de prácido luar que chegou a ser representada no pasado ano no programa das Festiletras e na Feira Histórica de Arteixo.

No plano máis lúdico, Benito Pastoriza, xerente da empresa Marexada, disertará sobre as alternativas de ocio para o rural, centrándose especialmente nas oportunidades que ofrece o esteiro do Anllóns e os seus arredores.

María Xosé Imia, moderadora e coordinadora da actividade, elaborará unhas conclusións extraídas das distintas participacións que se repartirán entre todos os asistentes.

O broche final poñerao a voz de Alba Costa coa interpretación musical do tema Lela de Alfonso Daniel R. Castelao, no día do 52 aniversario do seu falecemento deste rianxeiro.

Novas relacionadas

Fonte

  • Nota de prensa da Fundación Eduardo Pondal.

comentarios