Este domingo 6 de agosto o Concello de Ponteceso artella o 29º Día da Bicicleta, unha actividade para toda a familia, pais, nais,  avós, fillos, netos... todos xuntos. É un paseo, non unha carreira e este ano iremos dende  Pazos a Xornes. 

O percorrido será o seguinte: saída da praza de Pazos, circularase por Pazos de Arriba,  Frade, Casas do Monte e Xornes (Froxán, Xornes de Arriba-Pasacundía). O  avituallamento será no local social e ao rematar, volta para Pazos.

As inscricións serán o mesmo día da actividade, de 9 a 10:45 h na Praza de Pazos, punto  neurálxico da actividade.

Daráselle unha camiseta a cada participante, sortearanse  distintos agasallos, entre eles o premio estrela, UNHA BICI e tamén teremos un “cariño”  para o participante de maior idade.

O Concello quere agradecer aos colaboradores; Almacenes Cros, Talleres Serafín Ures, JM Carpintería,  Agro-Forestal Ures Torrado, Panadería Forniños, Eroski City, Joyería Romar,  Contrucciones Barca, Autocares J.Pombo, Instalacións eléctricas Germán, Carpintería  Javier Pérez Cancela e Panadería Pazos.