O Concello de Santa Comba organizou a pasada fin de semana varios actos extraordinarios con motivo do Día Internacional da Muller. Foi unha fin de semana chea de actividades significativas que renderon homenae ao papel e os logros da muller na sociedade actual. Un dos pratos fortes desta fin de semana foi a magnífica presentación teatral da compañía Telón Negro. No Auditorio do Edificio Multiusos o público tivo o privilexio de presenciar o último traballo da compañía, "anSelma & Luisa". Esta obra, creada por e para mulleres e que percorreu toda España e Alemaña, contaba a historia de dúas limpadoras cuxos diálogos invitaban ao público a reflexionar sobre temas de actualidade relevantes. "anSelma & Luisa" non só divertiu ao público, senón que tiña unha finalidade máis profunda: visibilizar a realidade de moitas mulleres. A través do poder do teatro, esta obra converteuse nun motor de cambio social, concienciando sobre a importancia da igualdade de xénero e dos dereitos das mulleres.
A obra está escrita pola actriz Laura Carvajal. Os espectadores emprenderon unha viaxe emocional con estas dúas mulleres, experimentando unha montaña rusa de emocións que ían desde o humor ácido ata as profundidades da emoción. Foi unha experiencia teatral que deixou unha impresión duradeira en todos os presentes.

"Estamos absolutamente encantados coa acollida que recibimos aquí en Santa Comba. Foi unha experiencia marabillosa de principio a fin. A asistencia de público foi impresionante; practicamente enchemos a sala e recibimos unha gran ovación ao final que nos deixou sen palabras. Ver a xente de pé e aplaudindo con tanta ilusión foi incrible, realmente sentímonos moi queridos e apoiados. A organización foi impecable e sentímonos moi ben tratados en todo momento. O público estivo moi atento durante toda a actuación e ao final, algo que non viviramos antes, puidemos interactuar con eles no escenario. Foi emocionante ver a reacción de todos, estaban encantados e emocionados. Era a primeira vez que actuamos en Galicia e nos demostraron ser xente incriblemente cálida e acolledora Sentimos moi comprendidos e valorados. Sen dúbida, esta foi unha das mellores experiencias que tivemos. Agradecemos moito todo o cariño e o apoio recibido e esperamos volver pronto", declarou Laura Carbajal. ao seu paso pola terra de Xallas.

Pero a fin de semana non se limitou só ao teatro. Houbo unha gran variedade de actividades pensadas para chegar a diversos públicos e idades. Dende o reparto de libros nos centros escolares ata os obradoiros de defensa persoal impartidos pola Asociación de Taekwondo IN-NAE, pasando por unha exposición fotográfica que contou a historia viva de Santa Comba dende a perspectiva da muller; había algo para todos.

Ademais, realizouse unha andaina pola igualdade, onde mulleres e homes se reuniron para mostrar o seu apoio á causa. Para aqueles con espírito máis competitivo, organizouse un concurso denominado "Atopa pistas 8M", que foi unha oportunidade para que a comunidade participase activamente na celebración.

O calendario de actividades organizado polo Concello de Santa Comba foi un auténtico éxito en todos os aspectos. Dende o impresionante teatro Telón Negro ata as diversas actividades destinadas a educar, concienciar e celebrar, foi unha mostra do compromiso da comunidade coa igualdade de xénero e os dereitos das mulleres. Sen dúbida, deixou unha pegada indeleble na memoria de todos aqueles que tiveron o privilexio de participar.