O Concello de Santa Comba tamén abre os seus servizos para intentar paliar as consecuencias da corentena nas persoas máis desfavorecidas. De aí que abra o servizo de voluntariado para que os maiores, as persoas con problemas de mobilidade, ou eses maiores que teñan netos na casa porque os pais traballan, poidan recibir nas súas casas enseres, medicamentos… Poden chamar ao 981 88 12 67 ou 663 72 89 68 de 9:00h a 20:00h.

Ademais abre o servizo contra a soidade e incerteza. Podes pedir no 663 72 89 68 acompañamento psicolóxico de 17:00h a 20:00h; asesoramento á cidadanía de 9:00h a 14:00h ou asesoramento para actividade física para a saúde (pola mañá no 667 453 312 e pola tarde no 663 72 89 68).

Os servizos municipais tamén aportam contido deportivo para a cidadania que desexe utilizalos como esta clase de Pilates para Principiantes.