E hai que esperar ata mañá, 24 de xullo, para poder visitar as instalacións de dous dos puntos de maior interese turístico da Costa da Morte: as Torres do Allo e os Batáns do Mosquetín. O servizo de atención aos visitantes, que se manterá ata o 14 de setembro, ofrecerá visitas guiadas e gratuitas. Nos Batáns de Mosquetín o horario de atención ao público será de 11.00 a 19.00 horas todos os días, incluíndo domingos e festivos. Pola súa banda, nas Torres do Allo a atención chega ata as 20.00 horas. O teléfono de atención a visitantes é o 673774100.