As estradas da Costa da Morte rexistraron dous accidentes de tráfico a pasada fin de semana. En Vimianzo En Vimianzo produciase unha colisión múltiple no mediodía do sábado no que se viron involucrados tres vehículos e un camión do lixo. Resultaron feridas seis persoas, unha delas moi grave. O suceso tiña lugar na estrada que vai de Castrelo a Baíñas. Os afectados foron trasladados a dependencias sanitarias en Cee e A Coruña. Segundo contan, o culpable do acontecido foi un can que se cruzou na calzada. Deste xeito, un Seat Toledo viuse na obriga de frear, e o camión do lixo colisionou contra o coche, sen poder evitalo. Tamén afectou o percance a un Audi e a un Chevrolet, que colisionou contra unha vivenda aledaña. Os pasaxeiros do Seat que viaxaban na parte traseira foron os peor parados. Eran dous septuaxenarios que resultaron feridos. A súa filla ía diante e tamén resultou ferida. En Camariñas Por outra banda, un mozo de Camariñas era o afectado no accidente que se producía tamén o sábado, pero pasadas as 15:00h. Desta volta acontecía en Dor, preto da parroquia camariñá de A Ponte do Porto. O rapaz foi trasladado a dependencias sanitarias en A Coruña, por medio dun helicóptero. Houbo duas feridas máis, de xeito leve, que fron trasladadas ao Hospital Virxe da Xunqueira de Cee.

Novas relacionadas

• Informe de siniestralidade na Costa da Morte: Case un accidente ao día nas estradas da Costa da Morte.
• Unhs 40km das obras da AC-552 estarán listos ao final do verán.

Accidentes no 2011

• 29-06-11: Un mozo camariñán morre na estrada.
• 22-03-11: Un accidente volve azoutar o fútbol da Costa con 3 feridos e un falecido.
• 18-03-11: Enésimo accidente na AC-552.
• 15-03-11: Novo accidente dun camión na AC-552.
• 16-02-11: Enésimo accidente na comarcal AC-552.
• 31-01-11: Novo accidente na comarcal AC-552 a altura de Dumbría.

Fonte

• La Opinión A Coruña.