Vimianzo celebrará o vindeiro domingo 27 de agosto o X Día da Bicicleta, para o que xa están abertas as inscricións. O obxectivo prioritario desta é fomentar a actividade deportiva saudable para a veciñanza, así como colaborar á difusión da importancia do emprego dun medio de transporte sostible, a bicicleta.

A ruta transcorrerá polo Val de Vimianzo e haberá unha xincana de habilidade ao remate da mesma e a saída será ás 11:00 horas, con punto de concentración a praza do Concello ás 10:30 horas. Terá un percorrido de 11 quilómetros.

Poderán formalizarse a través do enderezo electrónico que facilita a Administración local no seu sitio web e canles de redes sociais. Poderán facerse ata o 25 de agosto.