O traballo elexido empregarase en todo o material que se edite para a Festa da Carballeira de Baio Unha vez que remate "Fuga", a obra de Gargallada Teatro que se enmarca dentro da I Mostra de Teatro Afeccionado do concello de Zas, a asociación cultural Adro de Baio dará a coñecer o gañador do concurso de carteis para a festa da Carballeira que terá lugar o vindeiro 26 de xuño. A imaxe gañadora empregarase en todo o material que se edite para o evento - carteis, camisetas,… -e o gañador ou gañadora recibirá un premio de 100€ . O xurado reserva o dereito de declarar deserto o concurso. Todos os traballos que participan neste concurso de carteis serán expostos no Centro Sociocultural de Baio. Os membros da asociación cultural Adro xa están ultimando todos os detalles para o que será o seu próximo evento, os Premios Fouciño, que terán lugar os días 27 e 28 de maio.

Novas relacionadas

• Os Premios Fouciño, os irmáns pequenos do Carballo Interplay
• Adro organiza un concurso de carteis para festa da Carballeira
• Adro crea os ‘Premios Fouciño do audiovisual’.
• A asociación cultural Adro de Baio estrea directiva con Olga Mouro de presidenta
• A asociación Adro de Baio ao borde de disolverse por falta de relevo na directiva tras 35 anos de traballo cultural
• #30anosdeBadiusTeatro: O estado de saúde do teatro costeiro aproba con nota
• Un regalo viral para os 30 anos de Badius Teatro.
• 14-11-14: Badius arrinca cas clases da Escola de Teatro Infantil en Baio e Zas.

Fonte

• Redacción QPC ([email protected])
• A.C. Adro