Domingo. 22.09.2019
El tiempo

De Baio a Cardiff: A importancia da formación continua do profesorado

De Baio a Cardiff: A importancia da formación continua do profesorado
Profesorado do IES de Baio en Cardiff Profesorado do IES de Baio en Cardiff

A pasada semana o IES Maximino Romero de Lema (Baio) participou en Cardiff nun proxecto Europeo (Erasmus + KA1) para fornecer estratexias e criterios para implementar a función directiva e observar as novas propostas de ensino en Wales. O director do Centro (Manolo Maseda) xunto coa directora do CEIP dos Muiños (Aurelia Picallo) visitaron un total de 8 centros educativos públicos de infantil, primaria e secundaria. Ao mesmo tempo recibiron cursos de innovación na función educativa, estructura organizativa do sistema educativo galés, modelos de liderazgo e organización, currículum internacional, escolas pioneiras... Este proxecto está coordinado polo CFR (Centro de Formación e Recursos) da Coruña e asinaron un convenio cos nosos Centros para seguir realizando xuntanzas nos próximos dous anos en Polonia, Suecia e Dinamarca. Tamén participaron deste proxectos equipos directivos do CFR de Ferrol. Unha estratexia conxunta dos Centros de Formación que buscan novas canles de motivación e inspiración nos proxectos de intercambio de profesorado dentro dos proxectos Erasmus+.

Novas relacionadas

Comentarios