A Universidade Sénior, o Programa Universitario para Maiores de 50 anos da Universidade da Coruña pon en marcha, coa financiación da Xunta de Galicia, e en colaboración có GDR “Costa da Morte” e o Concello de Zas, unha nova edición do programa de formación universitaria específico para os adultos maiores das comarcas de Costa da Morte, que se desenvolverá nos meses de febreiro a abril, no Centro Sociocultural de Baio (Zas).

Un total de 58 alumnos e alumnas maiores de 50 anos, procedentes de 7 concellos das comarcas que fan parte da Costa da Morte participarán entre febreiro e abril nun programa que será inaugurado o día 19 de febreiro, ás 17:00 horas, coa presenza da Directora da Universidade Sénior e mailo Alcalde do Concello de Zas.

O programa consta de tres módulos, con sesións teóricas e prácticas, impartidas, en dous días a semana, por profesorado da Universidade da Coruña, nas que se abordarán diferentes temáticas:

MÓDULO I. PATRIMONIO E SOCIEDADE

19 de febreiro, “O imaxinario social da natureza e os seus desastres” - Prof. Elvira Santiago Gómez

27 de febreiro, “A moda a través da historia” - Prof. Elvira Lezcano González

29 de febreiro  “Zas: Unha cidade e unha historia” - Prof. Miguel Abelleira Doldán

1 de marzo, Visita Cultural á Coruña - Prof. Miguel Abelleira Doldán

MÓDULO II. CIENCIA E TECNOLOXÍA

4 de marzo, “I+D e Innovación en Galicia”  -Prof. Alfonso Bravo Juega

5 de marzo, “Situarse no mar: o ceo como guía” - Prof. Alsira Salgado Don

11 de marzo, “Ciencia con datos” - Prof. Salvador Naya Fernández

12 de marzo, Saída de Campo á Casa das Ciencias (Planetario)  - Prof. Alsira Salgado Don

MÓDULO III. SAÚDE E BENESTAR

18 de marzo, “Factores de risco de demencia” - Prof. J. Luis Rodríguez-Villamil Fernández

19 de marzo, “Que e o edadismo? Reflexionando para acadar unha sociedade inclusiva - Prof. Raquel Veiga Seijo

1 de abril, “Augas termais e Saúde” - Prof. Rosa Meijide Faílde

2 / 3 de abril, Saída de Campo ao Balneario de Carballo Prof. Rosa Meijide Faílde

Con este Programa, a Universidade Sénior achégase un ano máis ás persoas maiores de 50 anos das comarcas de Costa da Morte, ca intención de seguir dando resposta as súas inquedanzas e necesidades formativas como ven facendo desde a súa primeira edición o ano 2018.