O número total de parados na Costa da Morte situase en 9.282 persoas Por segundo mes consecutivo, o paro baixa no conxunto do estado e tamén na Costa da Morte. Así se desprende dos datos publicados onte polo ministerio de Emprego relativos ao mes de marzo. Así, o número de desempregados na bisbarra sitúase en 9.282 persoas; o que supón 429 parados menos que o mes anterior. Por concellos, o de Carballo foi o que rexistrou un maior número de altas novas, xa que en marzo incorporou ao mercado laboral 134 novas persoas. Séguelle o de Dumbría, con 43 novas altas á Seguridade Social. No lado oposto está o concello de Carnota, que suma seis novas persoas á lista de desempregados. Datos da comunidade En canto ás provincias, A Coruña lidera a baixada con respecto a marzo de 2016 (-10,22%), seguida de Ourense (-10,10%), Pontevedra (-8,58%) e Lugo (-8,49%) e sobre os sectores de actividade, o desemprego diminuíu en todos eles, liderando o descenso con respecto a hai un ano a construción nun -18,98%, seguido da industria cun -12,47% e da agricultura e pesca cun -10,15%.   Novas relacionadas

• O paro baixa en febreiro
• O paro sobe en xaneiro tras finalizar a campaña de Nadal
• O paro sobe en outubro na Costa da Morte
• O paro medra na bisbarra tras o remate da tempada estival
• Xullo remata con case 700 parados menos na Costa da Morte
• O paro baixa en 600 persoas na Costa da Morte durante o mes de xuño

Fonte

• Redacción QPC (info@quepasanacosta.com)
• Ministerio de Emprego