Esconxuro

19:42 23/06/18

Fóra o fascismo disfrazado de fundacións que queren encarcerar aos que loitan por recuperar o que é do povo. Eu, cos 19 de Meirás Fóra os residuos, os plásticos, os maleducados que tiran botellas e merda ao campo ao mar... Lume! Fóra o malestar capitalista, a mercantilización do ocio, o benestar de maniquíes créndose homes libres Fóra o oportunismo oportunista narcotizando as nosas mentes, facendo caixa coas nosas miserias... Lume! Fóra a política politiqueira, o sectarismo, a tribo electoralista, o voto trampa, a mercadoctenia do sistema Fóra as organizacións verticais vendendo ás loitas obreiras, vendéndose amarelos e traidores... Lume! Fóra aos envexosos, aos cínicos, aos que queren anular corazóns libres Fóra aos governos paralisados polo medo, polas contradiccións da nova orde mundial... Lume! Fóra aos que brindan con coitelos nos dentes, que xogan coa xenerosidade, abusóns e covardes Fóra as manadas de cabróns, os que violan, os queren facerse a vítima culpando á vítima... Lume! Fóra aos asasinos silenciosos nos despachos, aos que prefiren berrar gol e non basta xa! Fóra aos que recortan direitos, aos que padecen dun défice democrático ao non recoñecer os povos Lume! Fóra aos que non recoñecen a revolución feminista, aos que querem manter seu lugar de confort, seus privilexios patriarcais Fóra aos que se agochan no mundo artificial de sol e tabernas prefabricadas, súas vidas de mentira... Lume! por isto e moito mais saltamos a cachela para que non me trabe nen cadela nen can...